Oda dädulara

Elena Daradur
Oda dädulara

Açaaz köklerindän büyer
Onnar kuvet ona verer
Yıldan-yıla asirlerdän
Bizim da dädular-köklär

Yaşamayı çok ii bilerlär
Uşaklara nasaat vererlär
Ki gidelim uz bakarak
Zarları geçäräräk

Evdä annar baş insannaz
İzin vererlär her zaman
Çölmää ellerinä alıp
Düündä oyneerlär şer atlıp

Hersan istärsedin bilmää
Nelär olardı ilerdän
Bütün gecä göz kıpmadan
Dastan çalerlar bükmadan

Her siş istäzsediniz olsun
Cannarınız dolu bütün
Koruyunuz ihtiarları
İstariya zenginniklerini