Nuns (VpN 1937:5)
Jump to navigation
Jump to search
- Bü brefüp ägetobs nuni, das läx-Vpan: ,Frans Cornelis Van Aken’ edeadom tü 1937 yanul 18 in ,Oud-Gastel'. Pimotom tü 1854 yanul 16 in ,Princenhage'. Äbinom tidan jü 1910, ün yel kelik päpänsionom demü saunastad läs gudik oka. Ädalabom diplomi de ,profesan Vpa’ ed äbinom de 1892 jü 1927 prilul 8 liman Vpa-kadäma. Ün dät lätiko pemäniotöl äloveikom lü el ,Academia pro Interlingua’, bi Vpamuf istopon löliko. Ebinom i dü lunüp liman Vpakluba valemik Nedänik. Vpapenäd omik: „Volapük dünü tid” ettimo pälobon vemo, e pätraduton ini püks difik.
- Baiodü kompenät nenfiamik: „Boekhandel en drukkerij voorheen E. J. Brill” in ,Leiden’ suäm ela ‚Wörterbuch der Weltsprache’ fa ,Dr. Arie De Jong’ pelonülon ad fl. Ned. 4,00 ed ut ela „Gramat Vpa’ fa otan ad fl Ned. 1,00.
- Peselons ünü foldil 2id yela: 1937 Vpamäks 800.
Se Volapükagased pro Nedänapükans 1937, Nüm: 5, Pad: 40.