Nuns (VpN 1933:3)

Dil balid tidabuka söla: ‚Johann Schmidt‛ epubon. Tiäd ona binon: „Lehrbuch der Weltsprache Volapük für Deutschland und die deutschsprachigen Lánder.“ Dil balid at lebuka kanon pasivön de söl: ‚Dr. Arie De Jong‛ in ‚Voorburg‛ (Nedän) tä fl. Nd. 0,35 a samäd.
Yumü nun in nüm: 2 Vpagaseda tefü pel limanamamona diläda valemik feda Vpaklubas nunobs utanes, kels no dalabons yelodi balid gaseda, das limanamamon at suämon: fl. Ned. 2,50 a yel.
Peselons ünü foldil 1id yela: 1933 Vpamäks 900, e peseagivons demü reklan 100.
Söl: ‚Johann Schmidt‛ in ‚Weiszkirchen am Taunus‛ (Deutän) ‚Bahnhofstrasze‛ 20 vipom ad spodön ko Volapükan anik, i ko primans.
In nüm: 6 yeloda: 1 gaseda obsik elasumobs nuni dö söl: ‚Tassilo Schultheiss‛ in ‚Berlin‛, kel fägom ad spikön pükis 140. Bü brefüp söl: ‚Salah Eddine Kemal‛, kel ipotom obes nuni et, epotom obes dönu nuni tefü pükaleskilan. Söl: ‚Dr. Harald Schütz‛ in ‚Frankfurt am Main‛ sevabo nolom e kanom reidön pükis 200.

Navigation menu