Novella IX della Giornata I del Decamerone (Lumbaart)/63
Ona novella del Boccasc[edit]
Diggo donca che ai tempi do primmo re de Cipri, apresso a conquista de ra Terra Santa fâ da Goffredo de Buglione, è arrivàu che una damma nòbile de Gascogna è andâ in pellegrinagge a ro Santo Sepulcro e, revegnendo d'ailà, essendo arrivâ in Cipri, è stâ insultâ grossieramente da de òmmi scellerati. Desolâ inconsolabile, ha pensàu d'andâssene a portâ plenta a ro re. Ma gh'è stàu ditto da carcun che perderessa ro sò tempo, che seressa una fatiga inutile, perchè ro re era coscì laccio e insoziante, andava coscì pòcco che non solo non rendeva giustizia i tòrti che reçevevan i àutri ma, con una laccetâ meprissabile sopportava chelli che gh'eron fài a ello; talmente che tutti chelli ch'avevon d'annûi sfogavon ra soa raggia insultandoro e meprisandoro ello stesso. Chella pòvera dònna, sentendo aillò, e perdendo a speranza de se vendicâ, per se sollaggiâ aumeno un pòcco de ro sò ciagrin, s'è proposâ de vorré baffuâ a nullitâ de chello re. Se n'è andâ ciorando davanti ello, e gh'ha ditto: "Monsù ro re, mi no vegno davanti tu con ra speranza d'ottegne giustizia de re ingiùrie che me son stàe fàe ma, in lêugo de ra vendetta, te pregheressa d'imparâme come tu fai per supportâ con pascienza chelle che sento dî che te son fàe a tu, perchè mi pòsce piâ esempi da tu per supportâ e mee con pascienza. Se mi poscessa! Dio sa se non te daressa vorentera e mee tamben, giacchè re sai coscì ben supportâ".
Achello re, ch'era stàu giusch'allora insossiante e pautron, tutto dentro un cô, comma se se desviessa da un sêunno, comensando da r'ingiùria fâ a chella dònna, che ha fàu vendicâ severamente, è divegnûo severo persecutô de tutti chelli ch'a partî da chello giorno se son permessi de fâ carcòssa contra r'onô de sa corona.
Giovanni Papanti, Parlari italiani in Certaldo, 1875, pag. 623