Novella IX della Giornata I del Decamerone. Dignano

From Wikisource
Jump to navigation Jump to search
Novella IX della Giornata I del Decamerone. Dignano
by Antonio Ive

DIGNANO — [pg. 613-614]

Më-i dë-ighi, donca, che ai tempi del prë-imo Re dei Së-ipri, despoi de la cunquë-ista de la Terra Santa, ch' al io fāto Goufrido de Buglion, xē nato, ch' ouna xentildōna de Guascogna, xë-ida in pēlegrinajo al Sepulcro, e tournando in drë-io, arrivada a Së-ipri, la xē stada maltratada da parici orni: e jila sina counsolasion e doulorada, la pensë-iva de xë-i del Re a fa oun lagnu, ma qualchidoun gh' iò dë-ito, che la perderavo la fadë-iga, parchè lou xē de vë-ita tanto abandunada, e coussì pöco de bōn, che nun basta ch' al nun vendicasso con justë-isia le ofé-ise fate ai altri, ma el nun bada, de vé-il, quile sina noumero, che i ghe fa a lou, de mudo che se qualchidoun aviva qualche faste-idio, el se sfougava col faghe despiti e vergnogne. E senté-ide ste ròbe la xentildòna, no podendose vendica, per counsòlasse almanco un pò, la io pensa de voulì mòrsegà la misé-iria de quii Re, e xé-indo piansendo da-nansi de lou, la dis:

«Siòr mé-io, no vé-igni alla to presé-insia per vendita che voravi fa per l'ofë-isa che me zè stada fata, ma in « soudisfasion de quila, mé-i te pré-ighi, che ti me insigni cumù li poi te-igni quile, che mé-i sé che te xé stade fate, e per impara <c de té-i, cumù mé-i poudissi suportà la mé-ia cun pasiensa: e Dé-io sa che se mi poudissi, volentéra la douneravi a té-i, che ti le sé tigné-i tanto ben.»

El Re, sin allura stenta e pé-igro, de boto, cume smissià del suno, scominsiando dalle ofé-ise fate a sta dona a vé-indicale, el xè de-ventà gran persecutur de dutti quii, che avisso fato despoi qualco contro T ounùr de la so courona.

Felice Verla