Non possumus
Angel Canossi (1862-1943)
Non possumus
(1905)
Per n'ofèrta de 'na càrica a Roma
Lassém el mè Dòm növ, el mè Dòm vècc,
el Pégol e la Lòza e la Palada,
el bèl e 'l bröt, le piazze e i vicolècc
de la mè Brèssa sgréza ma unurada;
lassém el mè Castèl e i sò boschecc
per faga töcc i dé 'na spassezada,
e töcc i dé 'na quac scarabociada
sö le glorie de Brèssa e i sò difècc;
lassém sbarcà ché a Brèssa el mè lönare,
che a mé basta ste sodisfaziù,
senza crus, senza cariche e salare.
Lassém fà 'n santa pas el mè mestér,
lassém coi mè Bressà e la mè ambiziù
d'esser gna Comm, gna Uff, gna Cavaliér.