Noapti di vearâ
Jilosu tu munti bati
Cavallu di cu searâ;
Jilosu la stani plânḑi
Şi-unu cânticu di fluearâ.
I noapti... ńeaḑâ-noapti...
Fântâńili dorm tâcuti;
Maşi chipurili asunâ
Pri tu pâdurili muti.
Diparti treaţi luna
Sirinâ şi muşatâ;
Toţ munţâl’i scântil’eaḑâ
Sunu munda-a l’ei curatâ.
Di oarâ-oarâ câńil’i
Alatrâ câti ʼnâ-oarâ:
Si-astimsirâ luńińili
Şi doarmi lumea-n hoarâ.
Maşi suflitlu-ńi nu doarmi
Tru nopţâli di vearâ,
Ma lâcrimosu ascultâ
Cumu plânḑi ʼnâ fluearâ...