Ngo sprod rin po che spras pa'i zhing khams bstan pa'i rgyud

77
ngo sprod rin po che spras pa'i zhing khams bstan pa'i rgyud ces bya ba bzhugs
78
@1
rgya gar skad du
dar sha no pa de sha rat na tsig ke sha tra dha tu sha sa na tan tra na ma
bod skad du
ngo sprod rin po che spras pa'i zhing khams bstan pa'i rgyud ces bya ba
bcom ldan gzhon nu rdo rje mi 'khrugs pa la phyag 'tshal lo
'di skad bdag gis bstan pa'i dus gcig na
chos thams cad kyi de bzhin nyid rgyan ma bkod par snang ba ste
'od kyi yul sku'i mkha' gsung gi zer
thugs kyi gnas ye gdangs chen po'i snang ba
khyab brdal chen po'i pho brang
79
stong pa ye rdzogs kyi gzhal yas na
gsang ba chen po'i don rang dag tu bkod pa 'di gsungs so
gsung ngo
gsung bar 'gyur ro
'di skad bdag gis thos pa'i dus gcig na
rang bzhin rdzogs pa chen po'i gnas
shin tu rgya che la khyab cing gsal ba'i gzhi
gzhan gyis dpag par bka' ba chen po na
bcom ldan 'das de bzhin gshegs pa thams cad kyi sku dang gsung dang thugs kyi rdo rje mi bskyod pa chen po'i bdag nyid du bzhugs so
80
de nas gsang ba'i bdag pos
chos thams cad yongs su sdud pa zhes bya ba'i sems bskyed de
bcom ldan 'das la phyag 'tshal zhing bskor nas 'di dag rnams mngon du zhu ba'i tshig rdo rje mdzad pa zhes bya ba rnams kyi tshig tu 'di rnams zhu ba
nyid rab tu zhus so
kye ston pa chen po nyid kyi sku ji lta bu lags
gsung gang thugs ni ci lta bu lags
mdzad pa ni ci yul ni gang lags
khor ni ji lta bu ting nge 'dzin ni ji lta bu zhig mnga'
'di dag bdag the tshom du gyur yid gnyis su gyur
blo'i rtog par ma tshud lags na
de dag ji ltar lags bstan du gsol
zhes zhus so
de nas nyid kyi rang bzhin gyi gnas nas 'di dag thugs kyi dkyil 'khor nas phyung ngo
kye gsang ba'i bdag po nyon cig
nga'i sku ni sangs rgyas thams cad 'dus pa'i sku rdo rje snying po mi shigs pa rgyan gyi 'khor lo zhes bya ba yin no
nga'i gsung ni rang bzhin rdzogs pa chen po 'bum phrag drug cu rtsa bzhi'i bdag nyid du gnas so
81
thugs ni mi bskyod pa'i rang bzhin ye shes chen por ye gnas pa yin no
nga'i mdzad pa ni skye ba bzhi dus thams cad du 'byung ba'o
nga'i yul ni bkod pa yongs su rdzogs pa rgya che ba yin ste
mtha' gang du yang ma lhung ba nyid yin no
nga'i 'khor ni phyi dang nang dang gsang ba las sprul pa nyid do
nga'i ting nge 'dzin ni 'di lta ste
mi brjed pa rgyun gyi ting nge 'dzin dang
ye nas rab tu gsal ba rgyun gyi ting nge 'dzin dang
shin tu rnam par dag pa rdo rje chen po zhes bya ba'i ting nge 'dzin dang dgra thams cad rnam par sel ba zhes bya ba'i ting nge 'dzin dang
'jigs pa thams cad las yongs su sgrol pa zhes bya ba'i ting nge 'dzin dang rnam par mi rtog pa'i ye shes kyi snying po zhes bya ba'i ting nge 'dzin to
kye lag na rdo rje 'chang
khyod kyis 'di dag rnams kye don dris pa de legs so
'di dag rnams kyi tshig 'di la don du skye las bsam mi khyab ste
82
nga ni lung kun gyi bdag nyid du byung ba'i phyir ro
de nas 'khor de dag kyang shin tu dga' zhing yid rab tu rangs te
bcom ldan 'das la bstod cing lag na rdo rje la rab tu snyan pa'i tshig gis mchod cing
so so'i don skul ba'i tshig 'di dag kyang brjod do
e ma ston pa thugs rje mchog gis bka' stsal pa'i don gyi snying po de dag so so'i snying la zhugs
ji ltar brjod pa'i sgra yis rang rang yid kun tshim
bcom ldan 'jig rten gsum gyi gtso bo khyod
bdag cag rnams kyi yid rnams khyed kyis ci bzhin mkhyen
'jig rten mgon po ma rig dmag dpung 'joms
dpa'o bo nyon mongs dri med nyi ma'i 'od lta bu
bstan pa mi nub gter 'dzin rdo rje snying po'i gdung
ye shes stong bdag med la phyag 'tshal lo
zhes tshig rnams kyis kyang rab tu bstod cing so so'i ting nge 'dzin rang bzhin rnams dang ldan par gyur te
sangs rgyas kyi mthus bden pa'i don gyis rang gi rgyud tshim par byas te
kun kyang 'od zer gyi phung po sna tshogs dang ldan nas
sangs rgyas rnams kyi bka'i de bzhin nyid yongs su 'dzin par gyur te
83
sems rangs pa dang ldan par gyur to
zhes ngo sprod rin po che spras pa'i rgyud las
gleng gzhi rang bstod kyi le'u dang po'o
@2
de nas rdo rje 'chang chen po de nyid kyis sku dang gsung dang thugs dang yon tan dang phrin las las 'di dag rnam par phyung ste
ched du brjod pa 'di dag rnam par brjod do
lag na rdo rje 'dzin pa khyod nyon cig
sku gsum 'bras bu mngon du blta 'dod pas
bcud kyi snying po dpe yi ye shes ltos
rin chen snying po nor bu 'od 'bar ram
nor bu ma rgad sngon po chu shel lam
sa yi snying po rin chen mig ma phug
rdo yi snying po rin chen man shel gyis
sangs rgyas rnams kyi gnas lugs gtan la 'bebs
de yi phyir na 'di dag mkhas pas btsal
snying po lta ba'i don du 'di rnams nan tan bya
skyes bu rnams kyi don la 'jug pa'i thabs
84
dpe yi ye shes blta bar gang 'dod pa
don ni 'di ltar skyes bus rig par gyis
dpe yi gyi 'od kyis phyi yid phyings rnams bstan
dpe yi thabs kyis sku yi ngo bo bstan
dpe yi tshad kyis ye shes lam yang bstan
dpe yi mthong bas rang gi gnas lugs bstan
'od dang thig le sku dang ye shes dang rig pa dang ni dbyings kyi tshad 'dzin pa
rnal 'byor rnams kyis dpe la mkhas par bya
gang zag rnams kye dbang po'i bye brag gis
ngo dang rnal 'byor shes pa sprad pa'i phyir
rang ngo mthong bar 'dod na 'di dag ltos
rdo rje sems dpa'i gsal byed la
mchod pa dag ni rab mchod nas
rang gi bla ma'i skur bsam ste
ji ltar rigs pa'i tshogs rnams bsag
de nas skal ldan rjes 'jug rnams
rang gi ngo bo blta ba'i phyir
gnas khang phyogs ni phyed par ni
85
bu ga nyi ma'i zer ldan dag la yang
gsal bar byed pa'i me long phyar ba yis
'od kyi snang ba phyir 'byung mthong ba yin
mig gi steng du mkhas pas de bzhag na
nang 'od gsal ba'i cha zang thal tu
yang mthong pa'o
rjes 'jug g.yon pa'i zur gyis gcig bltas na
bar gyi 'brel thag zer gyi snang ba mthong
yang ni mig gi steng du 'ong bzhag nas
yang ni gcig gis gcig la bltas pa na
sku gsum gcig tu 'brel ba'i tshul yang mthong
mar me'i snying po la ni de nyid gyis bltas na
ye shes snang gsal rang gi ngo yang 'phrad
mkhas pas rdul tshon dkyil 'khor 'gram du me long gnyis
gsal byed mig gis thabs mchog nyid bltas na
rig pa ma bu'i tshad rnams ngo 'phrad nas
chos nyid ma yi tshad rnams shes pa yin
kham sa'i gzugs brnyan khong stong dbang sgo dong
86
nang du mar me bcug ste ye shes sgo ngos bzung
'khar por chus gtams legs pa'i nang nyid blta
thig le nyid kyi rang ngo 'phrod pa yin
ras kyi snam bu dkar dmar rnams bkram nas
gsal byed ldan pa'i mig gis bltas gyur na
ye shes rnams kyi 'od rnams rang ngo 'phrod
rgya mtsho'am steng ka rdzong ngam 'khyil chu'i 'gram
gsal byed ldan pa'i mig gis de bltas na
'od kyi gnag bu nam mkha' gang ba yis
bar do dang po'i snang ba gtan la phebs
rma bya me long nyid kyi 'phreng brgyus la
gsal byed ldan pa'i mig gis bltas na ni
thig le 'od gsal ldan pa mthong ba ni
ye shes dgongs pa nyid kyi ngo yang 'phrod
dbyug pa la ni 'khar phor btags bsgrigs steng 'og la
87
gsal byed ldan pas de nyid bltas pa na
thig le dgu brtsegs thig le'i don ngo sprod
rigs lnga'i 'dra 'bag tshon bkrag che ba
thang la bzhag nas ni gsal byed ldan pas gong bzhin bltas pa na
nam mkha' nyid la gzugs kyi mthong ste
longs sku'i zhing khams rang ngo sprad pa yin
gzugs kyi sku nyid nyams kyi dgongs pa'o
skyes bu rgyan dang ldan pa rang gi mdun bzhag ste
gsal byed ldan pa'i mig gis yang bltas na
'od kyi sku ni 'gro 'od zer dang ldan
de nyid mthong bas longs sku rang rkyang snang
rig pa gzhon nu bum pa'i sku zhes bya
yang ni snang ba med pa'i khyim dag tu
skyes bu kha dog nag pa rgyan ldan pa
rang gi mdun du gong bzhin bzhag nas ni
gsal byed ldan pa'i mig gis bltas na ni
khro sku 'jigs pa'i gzugs brnyan nam mkhar ni
'gro dang 'ong dang stabs dang bcas pa mthong
88
longs spyod khro bo'i sku yi ngo bstan pas
rig pa nyid ni gzhon nu khro gnyer can
dpa' bo nyid ni stobs dang ldan par bstan
skyes bu rgyan dang ldan pa phyed snang mtshams 'dug ste
gsal byed ldan pas gong bzhin bltas pa na
sems dpa' nyid kyi bzhugs tshul ngo 'phrod nas
sku phyed bstan pas 'dra 'bag nyid la sprad
shel las byas pa'i lugs sku phyag gang pa
rnal 'byor ldan pa'i g.yon pas bzung nas ni
gsal byed ldan pas yang ni de bltas na
shin tu 'od dang ldan pa'i sku mthong bar
sku phyed nyid des sems dpa'i rang ngo sprad
gsal byed snang ba mnyam sbyor sku zhes bya
skal ldan gnyis ka rgyan gyis rab brgyan te
gsal byed ldan pa'i mig gis phan tshun blta
yab dang yum gyi ngo bstan ye shes bzung
mnyam nyid kha sbyor dgongs pa zhes bya'o
de dag gnyis kyi bar du skyes bu rgyan dang ldan
gsum gnyis gi cig la bltas pas sku gsum rang ngo 'phrod
89
sku gsum rang 'jug dgongs pa zhes ni bya
yang ni skyes bu rgyan ldan gnyis kyi bar
rta rnga dag la sgong gnyis brgyus te
mkha' mi thad kar gnyis kas rab bzung nas
gsal byed ldan pa'i mig gis bltas nas ni
bar du thig le zer dang ldan pa nyid mthong ste
yab yum sbyor ba'i byang chub sems ngos bzung
gnyis med gsang sbyor zhes bya'i dgongs pa'o
dbyug pa yang ni nam mkhar bslang byas te
kha dog mi mthun dkar dmar
dar gyi 'phur lce 'phyar
gsal byed ldan pas yang zhing ltas pa na
ye shes bskyod pa'i nang rlung rang ngo 'phrod
gnas pa rlung 'dzin zhes bya'i dgongs pa'o
sku ni kha dog dkar dmar ser ljang mthing
re re'i kha dog snam bu rnams bltas na
rigs lnga so so'i sku yang rang ngo 'phrod
rigs rnams 'byed pa zhes bya'i ngo sprod do
shing ni bar snang phyogs bzhi steng 'og tu
90
mu tig sogs pa'i phreng bas yongs bskor te
gsal byed ldan pa'i mig gis phreng ba la
yang bltas na
dra ba dang ni dra ba phyed pa yang
shin tu gsal ba'i 'od kyis rnam spras te
steng 'og phyogs mtshams rnams ni gsal bar mthong
rigs lnga'i dra ba nyid la ngo sprad pas
gzhal yas rang ston zhes bya'i ngo sprod do
yang ni gnas khang phyogs ni phyed pa ru
phyogs bzhi'i skar khung dbus kyi mthongs dang bcas
rang 'dod lha yi gzugs brnyan legs bris la
logs la bris dbus su dmar po'i chu
'od dang ldan pa'i rdzas rnams bkrim nas ni
de yi 'od rnams rang 'dod lha dang sbyar
de nyid blta zhing blo la goms par bya
de ltar byas na rtag tu lha dang mnyam par gnas
me tog snod bkang rang gi mdun du bzhag
gsal byed ldan pa'i mig gis yang bltas na
91
chom bu rnams dang rang ngo 'phrad pa yin
de yi phyir na 'di la su goms pa
bar do las ni snang pa rang log go
de skad ces bka' stsal pas
gsang ba'i bdag po la sogs pa'i 'khor de dag rab tu dga' nas
bcom ldan 'das la 'di skad ces gsol to
kye bcom ldan 'das ngo sprod pa'i tshig
de dag rnams gsungs pas
bdag cag rnams yid rab tu dad par gyur te
sems kyi nus pa rnyed lags so
de dag ni dbang po rgya che ba rnams kyi don du gsungs na
dbang po rgya chung ba rnams kyis ji ltar spyad par bgyi
bcom ldan 'das kyis bdag cag la gsung du gsol
zhes zhus so
de nas bcom ldan 'das kyis lag na rdo rje la sogs pa'i 'khor de dag gi rtog pa bsal ba'i phyir
yang 'di dag rnams thugs kyi dkyil 'khor nas phyung ngo
de nas rnal 'byor blo rab can
don 'di nyid la rab tu dad pas ni
'di dag rnams su bstan gyis nyon
dpe yis dpe rnam pa grangs bstan pas
phyi yi yul rnams snying por grol
92
'di ltar mig gi a 'bras phug
rang gi tshon theb kyis ni de btsir na
'od ni dmar po thig le stong pa'i sgron ma
tshon gang cha thig le nyid ni lus gnas rtags
nges pa'i snying por gtan la dbab
mgrin pa yi ni phyi rol rtsa
rang gi mdzub dang srin lag gis
dbugs ni rngubs te de btsir na
'od lnga'i du ma bu nyid snang ba
lus la de bzhin gnas pa'i rtags
des ni 'byung ba rang sar grol
dbugs rngub glo dang sprid byas na
rang bzhin gyis ni me stag bzhin
rnam par 'phro ba'i 'od rnams ni
shes rab kyi ni rtags su'o
'bad bcas rtags ni de dag gis
'bad bcas grol ba'i nges don thob
smin ma yi ni yar mtshams dang
mig mthing ga khyab chen gnyis dag ni
dbyings kyi rtags te goms pa'i gnas
lu gu rgyud ni 'brel chags pas
sangs rgyas yul ni mngon sum du
rnal 'byor rnams kyis ci dgar rol
rang bzhin rdzogs chen rnal 'byor pas
93
gzhan gyi 'bad pa ma yin par
'di nyid du ni mngon sum du
yul rnams kun kyang dbyings rig go
gang gi rnal 'byor nyid ldan pas
'byung ba rnams ni rang dengs su
rnal 'byor ldan pa de nyid 'gyur
de ltar 'bad pa med pa'i rtags
rnal 'byor lus la de 'char bas
don gyi snying po gtan la phebs
don ni rang gi lus dkyil na
snying na ye shes snying po gnas
ma 'khrul pa yi ye shes te
'khrul pa kun gyi bdag nyid do
snang ba nyid ni 'di dag la
rtsol med nyid la rab goms na
don de chos nyid bar do la
sngar 'dris mi bzhin shes par 'gyur
de yi don rnams der snang ngo
gsang ba'i bdag pos yang gsol pa
kye ma bcom ldan thugs rje can
rgya chung sems can blo mchog tu bsdus pa de ltar na
de dag rnams kyi bye brag rnams
rim pa ji ltar bdag la gsungs
94
rdo rje 'chang gis bka' stsal pa
gsang ba'i bdag po yang nyon cig
spyi rnams spros pa can gyi don
rgya che las ni rnam bsdus pa
nyi shu rtsa gcig blo rim bzhin
'ong dang ye shes nyid la ni
ngo sprod rnam pa bdun dag gis
blo chung rim pa bdun rnams grol
sku dang thig le nyid la yang
ngo sprod nyid ni rnam bdun gyis
'bring po bdun po'i don du'o
rig pa dang ni dbyings la bdun
chen po rnams kyi don du'o
de ni phyi las nang du bsdus
yang bsdus pa ni 'di dag go
'od la gnyis te ye shes gsum
sku la gsum bstan thig le gsum
rig pa gnyis te dbyings la gnyis
de dag bsdus pa'i don du'o
shin tu bsdus pa 'di dag nyid
dpe dang rtags dang don gsum gyis
rang bzhin gnas pa'i 'bras bu thob
phyag rgya lha yi rnal 'byor 'jug
95
mtshan ma can gyi don du'o
spros bral nyag gcig dgongs pa ni
de dag rnams kyi 'dzin pa bral
smin pas smin pa lam du byed
mngon gsum rgyun du gnas pa la
snying po rang gis rang mthong bas
gzhan rtsol rnams kyis ci zhig bya
'di nyid la ni goms par bya'o
zhes ngo sprod rin po che spras pa'i rgyud las
gsang ba nang gi ngo sprod bstan pa'i le'u ste gnyis pa'o
@3
de nas phyi'i dpe rnam par spros pa zhes bya ba'i ting nge 'dzin las
bzhengs nas gsang ba'i bdag po la sogs pa rnams la bos nas 'di skad ces gsungs so
kye lag na rdo rje 'dzin pa 'di dag rnams khyod kyis zung zhig
phyi yul gyi gnad kyis nang sems gtan la dbab par bya
de ltar sems spros pa chod nas
nang sems kyi gnad kyis gsang ba dbyings gtan la dbab par bya'o
gsang ba dbyings kyi gnad kyis gsang ba bla na med pa'i rig pa nyid mngon sum du gtan la dbab par bya'o
96
de'i phyir na sangs rgyas kun gyi tshad 'dzin pa
dpe'i ye shes rnams la brtag
rtags kyi ye shes tshad 'dzin pa
thig le stong pa'i sgron ma brtag
don gyi ye shes tshad 'dzin pa
mngon sum gsal ba'i snang bas brtag
sgra tshig ming gi tshad 'dzin pa
phyi yi yul dang snang ba rtag
mi rtog bsam gtan tshad 'dzin pa
lag gi 'du byed nyid la brtag
sgra don shes pa'i tshad 'dzin pa
'byung ba'i cho 'phrul nyid la brtag
a li ka li'i tshad 'dzin pa
gnas dang 'byung ba nyid la brtag
'khrul pa rnams kyi tshad 'dzin pa
rmi lam bya byed nyid la brtag
bag chags 'thug po'i tshad 'dzin pa
gang zhen yul gyi rkyen la brtag
ma 'khrul ye shes tshad 'dzin pa
sprin dang bral ba'i nam mkhar brtag
ye shes 'od kyi tshad 'dzin pa
man shel snying po nyid la brtag
thig le rnams kyi tshad 'dzin pa
dra ba mig tshags bar la brtag
rnal 'byor goms pa'i tshad 'dzin pa
97
rig pa tshad la phebs la brtag
spros med rang dag tshad 'dzin pa
bsgrub rgyu rnams dang bral bar brtag
bde ba rang gnas tshad 'dzin pa
snyoms 'jug mkha' mnyam dag tu brtag
phyag rgya chen po'i tshad 'dzin pa
snang srid phyag rgya'i zhing la brtag
rig pa rtsal dbang tshad 'dzin pa
gzhi spyod lus ngag brda' la brtag
srog shing dam tshig tshad 'dzin pa
rig pa mkha' lding dbyings nyid la brtag
dran pa rnams kyi tshad 'dzin pa
sgo lnga'i shes pa nyid la brtag
gsal ba rnams kyi tshad 'dzin pa
yul rkyen bral ba'i mtshams su brtag
rtag pa nyid kyi tshad 'dzin pa
dran pa sangs pa'i gnas su brtag
'dzin pa kun gyi tshad 'dzin pa
98
'dod pa'i yon tan lnga la brtag
ma'i ga rtsa ba'i tshad 'dzin pa
yod med gnyis kyi mtshams su brtag
nyon mongs rnams kyi tshad 'dzin pa
glo bur rkyen gyi dus su brtag
'gyu byed yid kyi tshad 'dzin pa
gang bsam yul gyi snang ba brtag
bdag 'dzin blo yi tshad 'dzin pa
'gyu byed 'gyu ba'i mtshams su brtag
shes rab chen po'i tshad 'dzin pa
yul rkyen chod pa'i bar du brtag
rtog med rang sa tshad 'dzin pa
phra rags bral ba'i mtshams su brtag
dangs ma lnga yi tshad 'dzin pa
'byung ba dag pa'i dus na brtag
ye shes rnams kyi tshad 'dzin pa
rang gdangs yul snang tshe na brtag
chos kyi sku yi tshad 'dzin pa
gnod pa bral ba'i dus su brtag
longs sku nyid gyi tshad 'dzin pa
ma bu 'phrad pa'i tshe na brtag
sprul pa sku yi tshad 'dzin pa
phyed phyed nyid kyi mtshams su brtag
99
bla ma'i man ngag tshad 'dzin pa
'byung ba dengs pa'i dus su brtag
snying po rnams kyi tshad 'dzin pa
thig le 'dus pa'i dus su brtag
lus rtags drod kyi tshad 'dzin pa
res 'jog bral ba'i dus na brtag
gsung gi sgra yi tshad 'dzin pa
srid pa gzhir bzhengs dus su brtag
rang gnas mi 'gyur sku yi tshad
'byung ba zad pa'i dus na brtag
ye shes thugs kyi tshad 'dzin pa
snang ba gzhir bzhag dus su brtag
dgongs pa rnams kyi tshad 'dzin pa
rig la srad la theb par brtag
ting nge 'dzin gyi tshad 'dzin pa
'du shes gsum dang bral bar brtag
chos nyid mi g.yo'i tshad 'dzin pa
mnyam pa nyid kyi dus na brtag
lhag mthong nyid kyi tshad 'dzin pa
gdams ngag nyid la brtag
100
'bad med rang grol tshad 'dzin pa
khregs chod thod rgal mtshams su brtag
lus gnas ye shes tshad 'dzin pa
'dug stangs rnams kyi dus na brtag
yid ches goms pa'i tshad 'dzin pa
nyams myong goms pa'i dus na brtag
sku gsum 'bras bu'i tshad 'dzin pa
chos rnams zad pa'i dus na brtag
thugs rjes don byed tshad 'dzin pa
ye shes mkhyen pa'i dus na brtag
kha dog dbyibs zad tshad 'dzin pa
'byung ba'i gnod bral dus na brtag
'byung ba rnams kyi tshad 'dzin pa
phyi nang gnyis kyi mtshams su brtag
de ltar tshad rnams brtags pa yis
don gyi yid ches ngo sprod pa'o
zhes gsungs pas gsang ba'i bdag po la sogs pa'i 'khor de dag rab tu dang ba skyes te
blo'i dri ma thams cad kyang rang bzhin gyis dag nas
de dag gi tshad rnams dus gcig la zin par gyur te
mgrin gcig tu thal mo sbyar te
101
bcom ldan 'das kyi mdun du 'dug ste
'di skad ces gsol to
kye bcom ldan 'das chos thams cad kyi tshad bka' stsal pa
bdag cag rnams kyis kyang de rnams kyi tshad 'di ltar gtan la phebs pa lags na
ma 'ongs pa'i sems can rnams kyis kyang
de bzhin du 'gyur ba lags pas
bdag cag dang ma 'ongs pa'i sems can rnams kyi spros pa'i gdung ba gang gis chod pa lags
thugs rje chen pos bdag cag rnams la bka' stsol cig
ces zhus so
de nas rdo rje 'chang chen po des
'di skad ces bka' stsal to
kye gsang ba'i bdag po khyod nyon cig
ma 'ongs pa'i sems can rnams kyis spros pa 'di dag rnams kyis chod par 'gyur ro
phyi snang ba thams cad la ngo sprad pas
nang du lta ba yid la gsal bar skye ba yin no
de yang snang ba thams cad sems su ngo sprad pas
sems nyid sna tshogs su go ba'o
de'i tshe chos thams cad kyi 'du byed la mkhas pa zhes bya ste
mig dang
mig gi rnam bar shes pa dang
rna ba dang
102
rna ba'i rnam par shes pa dang
sna dang
sna'i rnam par shes pa dang
lce dang
lce'i rnam par shes pa dang
lus dang
lus kyi rnam par shes pa rnams kyi de bzhin nyid shes pas lus yongs su mya ngan las 'das te
gzugs kyi phung po rnam par dag
nam mkha' yongs su mya ngan las 'das te
'du shes kyi phung po rnam par dag
sa yongs su mya ngan las 'das te
tshor ba'i phung po rnam par dag
me yongs su mya ngan las 'das te
rnam shes kyi phung po rnam par dag
rlung yongs su mya ngan 'das te
'du byed kyi phung po rnam par dag pas
snang ba thams cad rten gzhal yas khang du ngo sprod pas
sangs rgyas thams cad kyi gnas la longs spyod pa zhes bya ba yin no
kye rdo rje sems dpa' sems nyid sku'i rang bzhin du ngo sprad pas
sku nyid gsal ba thams cad kyi bdag nyid dam par go bas
sangs rgyas rnams dang gan gcig la gnas pa yin te
gzugs sku thams cad kyi bdag nyid du rang byung
sgra sku thams cad kyi bdag nyid du rang byung
dri sku thams cad kyi bdag nyid du rang byung
103
ro sku thams cad kyi bdag nyid du rang byung
reg sku thams cad kyi bdag nyid du rang byung ste snang ba thams cad skur ngo sprad pas
brten pa lha'i sku ngo sprad pas
sangs rgyas thams cad kyi bdag nyid gcig tu gyur pa zhes bya'o
kye gsang ba'i bdag po nyon cig
rdo rje sku yi rang bzhin pas
mi 'gyur mi shigs ngang du gnas
pad ma gsung gi rang bzhin pas
ma 'gags 'gag med snying por gnas
khor lo thugs kyi rang bzhin pas
mi rtog bsam gtan chen por gnas
sku gsum mi 'byed dkyil 'khor nas
sangs rgyas rnams kyi thabs shar bas
zhen pa blo yi thag pa bcad
'gro ba drug gi g.yang sa zlum
snang ba bde ba'i zhing du shar
zhes pa rnams dams pa'i tshig tu bsgrags nas gsang ba'i bdag po la 'di skad ces bka' stsal to
kye gsang ba'i bdag po
snang ba nyid stong par ngo sprad pas snang ba phung po rnams dang gnyis su mi 'byed par gyur nas chos kyi dbyings kyi dbang du gyur te
yul thams cad gcer grol du ngo sprad pa'o
104
stong pas stong pa'i tshad zin te
grub pa'i mtha'i zhen pa thams cad dus gcig la chod nas stong pa nyid sku'i klong du kun chub par gyur nas
'khor 'das gnyis su med pa'i gding rnyed pa'o
kye gsang ba'i bdag po nyon cig
chu'i snang ba med pas kun khyab chen po'i snang ba rnyed
sa'i snang ba rang byung bas
khyab brdal chen po'i stong pa rnyed
me'i snang ba ye rdzogs pas
rang gsal chen po'i stong pa rnyed
rlung gi snang ba rang sangs pas
bskyod pa chen po'i stong pa rnyed
nam mkha'i snang ba ye dangs pas
dag pa yul gyi stong pa rnyed
ces dams pa'i tshig tu brjod nas
yang gsang ba'i bdag po la 'di skad ces bka' stsal to
kye gsang ba'i bdag po rdo rje 'dzin
stong pa nyid gsal bar ngo sprad pas stong nyid blta ba rnams dang mi phyed par gyur nas
yul dang 'dzin pa thams cad rang sar dag ste
mi gnas pa'i klong mkha' mnyam dag pa'i gnas su
rdo rje snying po dang du len pa zad pa gsal ba'i yul zhes bya ba'i don skyes te
chos thams cad kyi 'bras bu la dbang thob nas rang bzhin rdzogs pa chen po'i don la gnas pa'o
105
kye ma gsang ba'i bdag po nyon cig
ye nas med pa'i stong pa yis
'byung ba rang zad 'od snang rnyed
bya byed bral ba'i stong pa yis
sku gsum mtshon pa'i 'od snang rnyed
'byung ba zad pa'i stong pa yis
rnal 'byor brtan pa'i 'od snang rnyed
rgyun du gnas pa'i stong pa yis
rang gsal bzhag pa'i 'od snang rnyed
mtha' la mi gnas stong pa yis
rang rig sgrib bral 'od snang rnyed
ces dams pa'i tshig tu brjod nas
yang gsang ba'i bdag po la 'di skad ces bka' stsal to
kye gsang ba'i bdag po
gsal ba rig par ngo sprad pas
gsal ba nyid mtha' thams cad rnam par 'byed pa'i rang snang du shar nas
dri ma thams cad las 'das pa'i dkar po rang byung
yon tan thams cad rdzogs pa'i ser po rang byung
ma btsal bzhag pa'i dmar po rang byung
bya btsal rdzogs pa'i ljang gu rang byung
mi 'gyur khyab pa'i mthing gar rang byung ba'o
gsang ba'i bdag po rdo rje 'dzin pa che
106
sku yi gsal chas rig pa dri med mthong
thig le'i gsal chas rig pa nyag gcig mthong
ye shes gsal chas rig pa ye dangs mthong
dbyings kyi gsal chas rig pa'i rang yul mthong
sgron ma'i gsal chas rig pa'i rang ngo mthong
'od lnga'i gsal chas rig pa'i kha dog mthong
snang ba'i gsal chas rig pa'i rang bzhin mthong
shes rab gsal chas rig pa'i 'dug tshul shes
zhes brjod nas yang gsang ba'i bdag po la 'di skad ces bka' stsal to
kye gsang ba'i bdag po khyod
yid gzhan du ma yengs par nyon cig
rig pa dang dbyings ngo sprad pas rig pa nyid yul thams cad kyi bdag nyid du byung ste
de nyid gnas kun la longs spyod pa zhes bya bar rdo rje snying po'i tshig tu ngas bstan to
de'i phyir na
sngon du snang ba'i yul la mkhas pas
dran pa thams cad kyi sgo bkag pa zhes bya ste
de nyid kyis de nyid grol ba'i man ngag gzhi rnam par dag pas lam mngon du shar ba ste
sangs rgyas thams cad kyi mdzad pa'i don la mkhas pa zhes bya bar rang byung ba yin pas
107
bdag nyid lung thams cad kyi lung du rig pa nyid byung ba'o
kye gsang ba'i bdag po nyon cig
gzhi la gnas pa'i rig pa yis
chos nyid 'dus pa'i dbyings dang 'phrad
mtshan nyid 'dzin pa'i rig pa yis
rnam par dag pa'i dbyings dang 'phrad
lu gu rgyud kyi rig pa yis
rang bzhin 'od kyi dbyings dang 'phrad
ces dams pa'i tshig rang byung ngo
de nas yang lag na rdo rjes 'di skad ces gsol to
kye bcom ldan 'das de rnams kyi don bsdus nas gang zag gcig la ston na ci ltar bgyi
ston pa nyid kyis bdag la gsungs
de nas rdo rje 'chang chen po des
'di dag tshig tu brjod do
e ma ho
snang ba thams cad sems su ngo sprad pas sems la byan tshud
sems stong par ngo sprad pas stong par bde ba'i rgyas gdab
stong pa rig par ngo sprad pas rig pa nyid dbyings dang ye shes gnyis su med pa'o
de'i phyir na
sprul sku la ngo sprad pas snang ba 'di gtan la phebs
longs spyod rdzogs pa'i sku la ngo sprad pas bar do'i snang ba gtan la phebs
108
chos kyi sku la ngo sprad pas chos nyid ka nas dag pa'i snang ba gtan la 'bebs pa'o
de ltar na sprul sku dang ngo sprad pas
lus kyi gnad gcun pas sngon du 'gro ba'i las la mkhas par byas
de ltar na longs sku dang ngo sprod pas yul dang sgo dang ngo bo gsum la mkhas par byas nas nyams myong rgyud la brten
chos sku dang ngo sprad pas rig pa nyid tshad la phab ste
mngon sum du snang bar byas pa'o
e ma ho
nam mkha' dag la sus 'dzin pa
'dis ni rang gi 'gro sa shes
tsak shu nyid la gang spyod ba
'dis ni zhing khams gtan la phebs
rig pa nyid la su goms pa
'dis ni rang 'byung rang sar dengs
de yi tshad la gang gnas pa
chos nyid kun kyang zad pa'i sa'o
zhes ngo sprod rin po che spras pa gsang ba'i rgyud chen po las
phyi yul la sprad pa bstan pa'i le'u ste gsum pa'o
bcom ldan 'das kyis de skad ces bka' stsal pas
109
gsang ba'i bdag po la sogs pa'i 'khor de dag dga' mgu yi rangs nas
bcom ldan 'das kyis gsungs pa la mngon par bstod do
gsang ba ngo sprod rin po che spras pa'i rgyud ces bya ba
rang bzhin rdzogs pa chen po rgyud 'bum phrag drug cu rtsa bzhi'i bcud du phyung ba rdzogs so
rgya gar gyi mkhan po bi ma la dang
bod kyi lo tsa ba ska ba dpal brtsegs kyis bsgyur ba'o
dpal sngags kyi srung mas srungs shig
ngo sprod spras pa'i rgyud la 'grel pa rin po che bstar brgyus bya ba yod
ngo sprod spras pa'i rgyud la ma bu bco lnga
dge'o
dge'o
dge'o