Nesinöf siedom su bels!

From Wikisource
Jump to navigation Jump to search

Us ludoms ji-jepela stanoms,
In kel ga yun ko jön lödoms,
Kelis muton sävön in nebels:
Nesinöf siedom su bels!


Ven foetels kömoms neito,
Täno yufof omis valüdo,
Al sävön fani de lapinels....
Nesinöf siedom su bels!


U ven smugel domü of kömom
E cani pesmugik ofe blinom,
Al sävön osi ta toladels....
Nesinöf siedom su bels!


Aivobof, tetof jepi ofik,
Payufof fa cil folid ofik.
Kim ätöbomöv ko ji-jepels?
Nesinöf siedom su bels!



Purmerend.

K. HEKELAAR.




Se Nuns blefik se Volapükavol 1893, Nüm: 3, Pads: 3-4.