Nechakim rasmu shioring zulm ila bedod erur...
Nechakim rasmu shioring zulm ila bedod erur
Jumlasi, ey shah, bu qulg‘a lutfu, adlu, dod erur.
Yuz o‘gurmam ishqing ichra yetsa sendin yuz alam
Kim hazin jonim jafou javringga mu’tod erur.
Men bila bulbulni teng tutma jahon bog‘idakim
Manga doyim, anga bir oy nolau faryod erur.
Voizo, panding bila borur yo‘lumdin yonmag‘um
Kim mening ko‘nglumda ham mundek fusunlar yod erur.
So‘z demoq shohi zamondin yo‘q adab, de shunchakim,
Tavba qilmasdin muridi tolibi irshod erur.
Ey xush ulkim, dayr piri ilgidin bir jomi may —
No‘sh aylab, ikki olam qaydidin ozod erur.
Gar Muhayyir nazmi bahri o‘tsa Omudin netong
Anga bu yo‘lda Lutfiy ruhidin imdod erur.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse