Nani Haili Pō I Ka Lehua
| Nani Haili Pō I Ka Lehua (1888) |
E ō e Liliʻu i ko inoa
Nani Haili pō i ka lehua
Noho ia ʻala i ke onaona
Honi ke kupa i ke ʻala
Hui:
Waiho ʻē nō i ka poli o ka ipo hīnano
Nānā aku he nani wale nō ka nahele
Ilihia ʻokoʻa i ka maikaʻi o ka pua
I kui au a hoʻolawa i ko aloha
E ō e Liliʻu i ko inoa
Nani Kīlauea paʻa i ka noe
Pō luna o Uēkahuna i ke ʻala
Nalo akula nā lehua neʻe i ka papa
Hui:
ʻIke ʻole au i nā hala o Halaaniani
I ke ālai ʻia mai e ka ua Nahunahu
E ake au e hoʻi mai ka Puʻulena e pili
E moe aloha māua me ka moani
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse