Nae Roczê Musenê

Khalıkuné ho ne zoné, ne nas kené Ewro çıqa ke rasta ho néwazené Azé dine meste nae musené Tersuné ho ver roşti ra remené

Heqa ma de çı ferman u qerar o Yé wayiriyé, ma ré çı ke zerar o Nae nézoneme, dame ho sare ro Ma hona hawur nime na duvara ro

Çıturi mordem erjino dısmeni vırare Dısmené bé çéveri ra keno tivare Famkoru ra coru duri nékona pıxare Sarr poştiya dine ra zengin, yé fıqare

Gere bızoniyo dısmen derdé cınay o Néverda; çı sunık, senat u zoné ma o Çı ağwa, kemer u dar u ber u hewa o Ne asméno khewe, ne hardo şia o

Ma yé ke khalık u bavık naskeme Hardé pi u khaliki sero maneme Zoné mae u dakıla ho zoneme Vera ho xapıtena dine vındeme

Coka çond séy sera ma qırr kené Roşti ré dısmen, rınde ra remené Zure dıma ré, raste ra tersené Se keré eve nae némanené

Ewro yé khalıkuné ho nézonené Tersa ho esta, kesi ré tivar nékené Nıka çıqa ke raste né wazené Azé dinu naé rocé muısené

Torné Thuji na sanıke rınd zoneno Jüyo ke çéveré sari de candano Sunuk u senata ho ré poşti nédano Kes coru cı ré xéra heqi névano Torné Thuji ____08.08.2007 =