Nadźěja, lubosć, wěra

From Wikisource
Jump to navigation Jump to search
nadpis Nadźěja, lubosć, wěra
awtor Handrij Zejler
lěto
žórło texty.citanka.cz
licenca public domain
nota stary prawopis

    Tam na dalokim jězorje,
    Na módročornej hłubinje,
    So wjeze moja nadźěja,
    Je dobrym wětram podata;
    Łódź lubu derje nawodźuj,
    Mój łódźniko, a njezdrěmuj!

    Při brjozy toho jězora
    Tam běłe kołpy płuwaja,
    So hordźa w žołmach kupajo
    A maja lube towaŕstwo;
    Pas, woda, kołpy swěćate,
    Mjez nimi moja lubosć je!

    W tej wodźe kćěje róžička
    A korjeni so do brjoha,
    So wody přez nju zliwaju,
    Hdyž wichory so pozběhnu -
    Ta młódna kwětka w jězorje
    Je wěra w mojej wutrobie.