Nóc

Nóc

Nóc hrózbnych potajnosćow towarška
z włosami wuhlowymi,
nóc z płašćom žarowacym,
w nim zybola so miliony
złoćanych kamuškow
mócnje nad nami.

Začuće swobody,
meteor přez ćmy
překłó mi starosće;
zaso je ćma, tola mjechkosć
njeznata wobjima će,
njemóže přetrać - dyrbi
wutroba kožana.

Ametyst módrojty,
zrudoba zarosćena
z mochom dawneho zabyća
w zbóžnosći ze zbožom
zaliwa suchi stysk.