Molokaʻi Nui A Hina
| Molokaʻi Nui A Hina |
Ua nani nā hono a Piʻilani
I ke kū kilakila i ka ʻōpua
ʻO kuʻu pua kukui aia i Lanikāula
ʻO ka hene wai ʻolu lana mālie
Hui:
Ua like no a like
Me (nani) kuʻu one hānau
Ke poʻokela i ka piko o nā kuahiwi
Me Molokaʻi (nui) a Hina
ʻĀina i ka wehiwehi
E hoʻi no au e pili
ʻAe ʻae
E ka makani ē
E pā nei me ke aheahe
ʻAuhea kuʻu pua kalaunu
Kiʻekiʻe Hālawa i ke alo o nā pali
Ka heke no ia i kaʻu ʻike
Lupalupa lau lipo i ke ohe o ka palai
Ma kuʻu poli mai ʻoe e hoʻoheno nei
Alternate 2nd verse
Ua nani Hālawa i ke alo pali
Ua ku hoʻokahi kuahiwi
Ao ʻoe kuʻu ipo e hiaʻai nei
Ma kuʻu poli mai ʻoe e honehone ai
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse