Mojo gole
| nadpis | Mójo góle |
|---|---|
| awtor | Fryco Rocha |
| lěto | 1908 |
| žrědło | Wosadnik, No 8/1908, b. 2 |
| licenca | public domain |
| nota | nowy pšawopis |
Gdyž wjacor do póstole
Na swójo glědam gole,
Kak rědnje změrom spi;
We zbožnej styknjom gluce
Ja k njebju swojej ruce:
Bog, góle, zdźarž a zwarnuj śi!
Gaž zajtša zasej rano
Mě góle strowe stanjo
A ruce styknijo:
"Wóśc nas" swój wubjatujo,
Se k šuli pśigótujo,
Mě swěta stysnosć wobojźo.
A gaž pón wednjo grajo,
We gumnje zajuskajo,
Kaž roža rozkwita:
Se cujom zas ak góle,
Ned zajdu wšykne bóle –
Och cas ty złotneg' źiśestwa!
| nadpis | Mojo gole |
|---|---|
| awtor | Fryco Rocha |
| lěto | 1908 |
| žrědło | Wosadnik, No 8/1908, b. 2 |
| licenca | public domain |
| nota | stary pšawopis |
Gdyž wjazor do postole
Na sswojo glědam gole,
Kak rědńe s měrom spi;
We zbožnej stykńom gluze
Ja k njebju swojej ruce:
Bog, gole, zdźarž a zwarnuj schi!
Gaž sajtscha sassej rano
Mě gole strowe stańo
A ruze styknijo:
"Woschz nass" sswoj hubjatujo,
Sse k schuli pschigotujo,
Mě sswěta styssnoscź hobojźo.
A gaž pon we dńo grajo,
We gumńe zajusskajo,
Kaž roža roskwita:
Sse zujom sass ak gole,
Ned sajdu wschykne bole –
Och zass ty słotneg' źischestwa!