Modlitwa (Fiedler)
Wzmi mje, Knježe, pod křidła,
hdyž so njebjo pomróčuje,
ćežke bija njewjedra,
horja zymny wichor duje:
Pod swoje mje křidła wzmi,
hdyž mje wšón swět wopušći!
Wzmi mje, Knježe, pod křidła,
doniž nóc so njerozjasni!
Njebjo so mi njesměwa,
kotrež słónčko zboža krasni:
Wzmi mje, Knježe, pod křidła,
hač dźeń milši zaswita!
- Author: Korla Awgust Fiedler (public domain)
- Source: Česko-lužický věstník, Ročník VIII, Číslo 12 / prosinec 1998 http://stare.luzice.cz/clv/1998/12.htm