Miu zenn de miert

by Maurus Carnot

Miu zenn de miert by Maurus Carnot

Miu zenn de miert

Dat in bi di miu zenn de miert sinzur,
Podà ch' in seretegn en la lavur,
Podà che dus raschunan pli bufatg,
Podà ch' ei fan de mei in bien patratg.

5Podà che in, udend miu zenn die miert,
Stat pli pensivs sper il vischi aviert,
Sco gl' affonet fa stem dil tun d'itschal,
Che cloma dal clutger sur cuolm e val.

Tuccond de miert en claustra il zennet,
10Podà ch' en la caplutta de Laret,
Nu che ka mumma ha mei benediu
In det spluntin' il zenn egl ault laziu.

Dat in bi di miu zenn die miert sinzur,
Podà ch' ei fan sco semper lur lavur;
15Lu, cara mumma, neu o neu tier mei
E di: „Jeu hai miu bien affon puspei!“