Mirzali Zazaoğlu

From Wikisource
Jump to navigation Jump to search

Mirzali Zazaoğlu (namey xoyo raştıkên Yaşar Kaya) serra 1967ine de dewa Pılemoriye Qızılmescidi de ame riyê dınya. Keyey xo taê serran ra têpia bar kerdo, amo Gemlik (Bursa). İta mektebo verên qedêna. Serra 1980ine de piyê xo, o be ma u bıran u waa xo ra ardi Almanya. Aye ra nat na dıwele de weşiya xo rameno. Uca şi mektebê miyanêni (Gesamtschule). Mektebi ra dıme xeylê serri mıxtelıf cayan de kewt kar guriya. Mabênê na serran de kari ra dıme şandane şi mektebê şani (Abendschule) u tebera diplomê mektebê serêni (lisa) (Realschulabschluss) gırewt. Serra 1995ine de kewt yew firma tekstili (Blusen Neumann), senate mısa u bi derzi (deştoğê kıncan). Na firma de ancia moda u dizayni sero terbiyet di. Ey verênde ra (domanina xo de) Zazaki fam kerdêne u pilanê xo de qesey kerdêne, hema nuştena cı nêzanıtêne. Serra 1990ine de dest kerd zıwanê ma u piyê xo, gına sero, mısa. Seba zıwani ra serra 1990ine de şi Pılemoriye xeylê aşmi mend. Uca xeylê dewan ra feteliya u çekuy u sanıkê Zazaki day arê. Na semed ra ey xeylê kıtab u pêserokê Zazaki day ardene u wendi. Serra 2006ine de zaf bi nêweş. Seba qanseri ra mabênê heşt aşman de têdıma şeş seansê kemoterapiye diy. Hewna ki tedawiyê xo dewam keno u na sebeb ra ilacan gêno. Nêmserre de reyê şono qontrolo pil u çekap dano vıraştene.