Minut
- Minut bal
kömom, fugom nen sem veged;
vo, men vedom in bal minut,
gonom, kudom e vo lifom
- minut te bal!
- Minut bal
ofeno motom vipi sembal
kel i deilom in bal minut;
ab ofeno dukom al läb
- minut te bal
- Minut bal
sätom tifön ole ladi
täno minut binom vonik
ye dol lonedikum sukom
- minut ate.
- Minut bal
dlimol labön fleni gudik,
kel in minut suköl binom
som no fälo, äs äcedol
- du bal minut.
- Minut bal
te pled lifa lölik dulom;
cedobs eti aidulöl
e vitimobs delis mödik
- ate minut.
- Eti minut
glumöl oli, letolöd zugön!
ab tönolöd minuti gälik
tän fledom ole gäläl
- minut alik.
- Minut bal
kömom tädöl finön obis,
ab dledolöd leno ati,
e tikolöd: deil dulom
- minut te bal!
Wien
Se Volapükabled Tälik 1888, Nüm: 3, Pad: 24.