Matina al ròcol

From Wikisource
Jump to navigation Jump to search
Matina al ròcol
by Giuseppe Bonandrini

Giuseppe Bonandrini (1867-1940)‎

Matina al ròcol

Metìt fò e tiràt sö la rét
a 'l turna 'n dol tabiòt l'oseladùr...
lé, sóta mà, 'l prepara i sboradùr...
l'impia la pipa e 'l grégna... e töt contét

a 'l se mèt lé a scoltà... 'n da nòcc a 's sét
i durcc che i canta la cansù de amùr...
nel ciél a 's vèd belase a ègn sö ü ciarùr
che smórsa i stèle... ol mónd a l'è töt quiét...

dei mucc le sime i se culura d'or...
taca a cantà chèi 'n gabia e 'n tèra a 'l cór
i sàmbei. L'è ü bèl dé... dé de passada...

le fòe le sberlöséss per la rosada...
i prim osèi i ria per l'aria a vul...
e l'è töt ü cantà... e 'l léa sö 'l sul...