El llibru de la hestoria de Xesucristu, fiu de David, fiu d'Abrahán:
Abraham foi pai d'Isaac; Isaac foi pai de Xacob; Xacob foi pai de Xudá i de los súos hermanos;
Xudá foi pai de Pérez i Zerá con Tamar; Pérez foi pai d'Hezrón; Hezrón foi pai de Ram;
Ram foi pai d'Aminadab; Aminadab foi pai de Nasón; nasón foi pai de Salmón
Salmón foi pai de Boaz con Rahab; Boaz foi pai d'Obed; Obed foi pai de Xesé;
Xesé foi pai de David, el rei. David foi pai de Salomón cola muyer d'Urías
Salomón foi pai de Rehoboam; Rehoboam foi pai d'Abías; Abías foi pai d'Asá;
Asá foi pai de Xosafat; Xosafat foi pai de Xorán; Xorán foi pai d'Uzías;
Uzías foi pai de Xotán; Xotán foi pai d'Acaz; Acaz foi pai d'Ezequías;
Ezequías foi pai de Manasés; Manasés foi pai d'Amón; Amón foi pai de Xosías;
Xosías foi pai de Xeconías i de los súos hermanos pal tiempu de la deportación a Babilonia.
Dempués la deportación a Babilonia Xeconías foi pai de Seatiel; Seatiel foi pai de Zorobabel;
Zorobabel foi pai d'Abiud; Abiud foi pai d'Eliaquín; Eliaquín foi pai d'Azor;
Azor foi pai de Zadoc; Zadoc foi pai d'Aquín; Aquín foi pai d'Eliud;
Eliud foi pai d'Eleazar; Eleazar foi pai de Matán; Matán foi pai de Xacob;
Xacob foi pai de Xosé, maríu de María, de quien nació Xesús, llamáu'l Cristu.
Por tanto, toulas xeneraciones dende Abrahán fasta David foron catorce, y dende David a la deportació a Babilonia foron catorce, y dende la deportación a Babilonia al Cristu, catorce xeneraciones.
Pero'l nacimientu de Xesucristu foi d'esta maneira. Lientres María, la súa mai taba prometida con Xosé, alcontraron que taba embarazada por Espíritu Santu enantias de tar xuníos.
Sin embargu, como Xosé yera un home xustu y non quería facer d'ella un espectáculu, entamó divorciarse d'ella, pero'n secretu.
Pero dempués de pensar nestas cousas, un ánxel de Dios apaecióse nun suañu diciendo: "Xosé, fiu de David, nun tengas mieu de llevar a María pa la túa casa, porque lo que tién ye por Espíritu Santu.
Allumará un neñu, que nomenarás Xuasús, porque salvará el súo pueblu de los súos pecaos.
Tou esto pasó pa que fora cumplíu lo faláu por Xehová mediante'l súo profeta:
¡Mira! La virxen quedará embarazada y allumará un fíu, y se nomenará Emmanuel, que tradicíu significa "Dios ta con nosoutros".
Entón Xosé despertó del súo suañu y fizo como dixo'l ánxel de Xehová y llevó la súa muyer pa casa.
Pero nun la coñeció fasta que nun tuvo'l neñu; y nomáron-y Xuasús.
