Mall Mudîrî

by Şêx Rizayê Talebanî

Mall mudîrî ke xellkî Hewlêr e
Herweku mûy xaye bêxêr e

Sûret û sîretî le piyaw naçê
Ew qurrimsaxe mê ye ya nêr e

Min be mexfî ke çûm û têy fikrîm
Bezmî xewxa ye meq‘edî kêr e

Dîm Husên kirdî qesdî qetllî Fetah
Weku Yunis ke des be şimşêr e

Heremî muhteremî ke Le‘lîxan
Xermenî ‘îsmetî geray kêr e

Rawî rêwî hemû le bo kewll e
Gurg le bo berxe dête naw bêre

Behrî awdanî mezre‘ey fericî
Cûtegun cût e, kêrîş awdêr e

Witim: Ey bêheya to natirsî
Le Xuay roj û mang û estêre?

Witî: Ya şêx eman meke men‘î
Ehlî qonyan be qûnî ew fêr e

Nîye bakim ger ew xebîse billê
Ewe eş‘arî lamî‘î kiwêr e