Makalapua
| Makalapua (1890s) |
ʻO Makalapua ulumāhiehie
ʻO ka lei o Kamakaʻeha
No Kamakaʻeha ka lei na Liʻawahine
Nā wāhine kīhene pua
Hui:
E lei hoʻi, e Liliʻulani ē
E lei hoʻi, e Liliʻulani ē
Haʻihaʻi pua kamani pauku pua kīkī
I lei hoʻowehiwehi no ka wahine
E walea ai ka waokele
I ka liko i Maunahele
Lei Kaʻala i ka ua o ka Nāulu
Hoʻoluʻe ihola i lalo o Haleʻauʻau
Ka ua lei koko ʻula i ke pili
I pilia ka mauʻu nēnē me ke kupukupu
Lei akula i ka hala o Kekele
Nā hala moe ipo o Malailua
Ua māewa wale i ke oho o ke kāwelu
Nā lei kāmakahala o ka ua Waʻahila
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication.
Public domainPublic domainfalsefalse