Maŕcyna přaza

nadpis	Maŕcyna přaza
awtor	Jan Radyserb-Wjela
lěto	1844
žórło	texty.citanka.cz
licenca	public domain
nota	stary prawopis

Maŕka předźe spěwajo
Běłku kudźel židźanu,
Wóčko swětłe błyskajo
Swědči mysl radostnu.

Wjerć so, ćeńke wrjećenko,
Směwkaj mi so myslička,
Cehń so, swětłe předźenko,
Budźeš kwasna suknička.

Kajke,wčera wjesele,
Juŕk bě z Maŕku na slubi;
Dźensa hóŕke rudźenje -
K wójni su joh' zbrónili.

Maŕka předźe płakajo
Šěru kudźel pačosnu,
Wóčko žołmy syłzujo
Swědči tyšnu zrudobu.

Wjerć so, čorne wrjećeno,
Lubeho su zabili;
Sěre, zrěbne předźeno,
Smjertna budźeš košul mi.