Młodym Serbam

From Wikisource
Jump to navigation Jump to search
nadpis Młodym Serbam
awtor Jakub Bart-Ćišinski
lěto
žórło luzice.euweb.cz
licenca public domain
nota stary prawopis

    Hura, bratřa zahrimajće
    Spěw ze šijow młoduškich!
    Lubinej a Błótam prajće
    Žadosć synow łužiskich!

    Ruku, bratřa, sebi dajmy,
    Škitać mjeno serbowske!
    Jednotu za hesło stajmy
    Na korhoj sej wysoko!

    Wutroby nam swěrna wjaza
    Lubosć k mdej ródnemu.
    Serbska krew´ sej k sebi kaza:
    Synojo smy Łužicy.

    Za wašnje a za rěč serbsku,
    Za lud, za kraj wojujmy!
    Wótcow česć a khwalbu herbsku
    Ze rtom spěwow česćujmy!

    Njech tež wšitcy w čestnym boju
    Cofnu z myslu přeradnej,
    Stojmy swěru pod korhoju
    Módrej - běłej - ceŕwjenej!

    Bóh nas wjedźe, Bóh nas škita,
    Bohu dowěrjamy so.
    Po nocy dźeń młody swita
    Po boju dźeń swobody. -
    Hura, bratřa, zahrimajmy
    Mócnu sławu Łužicy!
    Swěru wěčnu přisahajmy
    Bratřa ludej serbskemu!