Měsačk

From Wikisource
Jump to navigation Jump to search
nadpis Měsačk
awtor Karl August Fiedler
lěto
žórło texty.citanka.cz
licenca public domain
nota Stary prawopis, Hórnikowa Čitanka

Hlej, měsačk z jasnym wobličom
Přez njebjo ćiše kroci;
Kónc njeje z jeho swětleškom,
Hdyž njewidźa joh' woci;
O hdźež tež wón swój kućik ma,
Jom' słóncko wóčko přikhila.
Kaž měsačk budź, o wutroba,
Budź ćicha, jasna, miła;
O njepraj: mi je zrudoba
Wšu swětłosć zaćěmniła; -
Hlaj, hdźež so twój khód złožuje,
Na tebje Bóh Knjez zhladuje.