Mój wótcny kraj

nadpis	Mój wótcny kraj
awtor	Handrij Zejler
lěto
žórło	texty.citanka.cz
licenca	public domain
nota	Stary prawopis

    Wěš mi mój rjany wótcny kraj?
    Wón złoty njej, to nježadaj;
    Pod figowcom a palmami
    So jeho zemja njekrasni -
    O ně, o ně! Wón ponižna
    Je płódna boža zahroda.

    Wěš mi mój rjany, wótcny kraj?
    Na mjezow šěř jom' njehladaj,
    Za hordym knjejstwom njeleći
    A krwawne brónje njewótři -
    O ně, o ně! Štož khwalbu ma,
    Je jeho wulkosć pytana.

    Wěš mi mój rjany wótcny kraj?
    Na němski kraj mi njehladaj,
    Mój kćějata je wobnožka
    Naštomje sławnoh' Słowjanstwa
    Haj, to wón je! a njespadnje
    A Łužica so mjenuje.

    To je, to je mój wótcny kraj,
    Mój serbski dom a zbóžny raj,
    A kiž tu rodźa kćěć a rosć,
    Tym k zbožu je tež wulka dosć -
    Kćěj, krajo, kćěj! ty jasniši
    Na česći a na pěknosći!