Literatikos
Datuval vpa epotom obes dili balid vödasbukila stämas vpa. Vobukil at, kel no nogo epubom plo publüg, ninom anikis votamis e menodamis veütik in stäms vödas vpik. Votams e menodams at pemekoms ma siämöf velätikün, e kanobs siokdo spelön das voödasbukil nulik ekotenom i vpanis ut, kels penoms nogo segun stül kadema vönik. Ko pubam vödasbuka at timagnulik obeginom plo väpuk obas, o. b. timag menodama fefik e kulädik ä lefulsama vpa. Tefü stäms Datuval enilom umo netapükes. A. s. pla dlin osagon füdo drin (nelij. drink), bi plak ejenom das i cinänans kanoms sepükön sato kleiliko tonabi r e sikodo votam ota in tonab l binom nezesüdik; pla dlim osagon drim (nelij. dream); lol pevotöm[1] in rosäf (äf binöl finot al bemalön flolis); jeval pevotöm</ref>Bükapök; pla: pevotom.</ref> in jevaf (bi af binom finot al bemalön nimafis e finot al laböl malami votik).
Nilud obsik binom, das vobukil at datuvela vpa, binom bizugik e das if züpans kadema vönik no olensumoms votamis e menodamis nulik, luvolapük omas ovedom suno nekapälnik vpanes nulik e odepubom lesuno se vol.
(Napol) 1891 zülul 29id.
Kademal vpa plo Tälän.;
NOET. Logonös i laltügi « Dö vödasbuk stämas », su flan balid bleda at.
NOETS. (Vükifonät)
- ↑ Bükapök; pla: pevotom.
Se Nunal nulik 1891, Nüm: 4, Pad: 20.