lipu kule/waso kule pi tawa mute
Jump to navigation
Jump to search
| ←nasin kulupu li seme? | lipu kule (2021) waso kule pi tawa mute by jan Keli |
pali kulupu: toki forth pi jan Eris→ |
tan lipu |
waso pi kalama suwi.
waso pi tawa sewi.
tawa sina ali la
sike kule lon sewi
li kama tan luka sina.
waso lili. waso pona.
sina tawa lon ali
li pana e kon seli pona
tawa insa pona mi.
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|