lipu kule/kijetesantakalu tu
Jump to navigation
Jump to search
| ←pali kulupu: toki forth pi jan Eris | lipu kule (2021) kijetesantakalu tu by jan Wija and lipamanka |
nimi 'tonsi' li pona a!→ |
SITELEN NANPA WAN: kijetesantakalu tu li lon poka supa. lipu pu li lon sewi supa. kijetesantakalu nanpa wan li toki e ni tawa kijetesantakalu nanpa tu: “lipu pu li pu ala pu?"
SITELEN NANPA TU: kijetesantakalu nanpa tu li toki e ni: “lipu pu la lipu pu li pu ala. sina pali e ijo kepeken lipu pu la ona taso li pu”
SITELEN NANPA TU WAN: kijetesantakalu nanpa wan li toki e ni: “a, mi sona. ni li lon la…"
SITELEN NANPA TU TU: kijetesantakalu nanpa wan li jo e ilo palisa pi lipu pu. ona li toki e ni: “mi pu a!"
SITELEN NANPA LUKA: kijetesantakalu nanpa wan li utala lili e kijetesantakalu nanpa tu kepeken ilo palisa pi lipu pu. ona li kalama e mu ilo.
SITELEN NANPA LUKA WAN: kijetesantakalu nanpa tu li toki e ni: “a a a”. olin li lon.
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|