Libre de Memorias/1384

← 1383

1384 Libre de Memorias

1385 →

L'an MCCCLXXXIIII foron Cossols,

• Senhor Johan de Lagarriga, per Taulas.
• Senhor Peyre Gautaroya, per Mercadies.
• Senhor Guilhem Revel, per Pararie.
• Senhor Bernat Sedada, per Coyratarie.
• Senhor Esteve Cambavielha, per Lahor.

Foron Clavaris.

• Senhor Ramon Sira, per Taulas.
• Senhor Guilhem Catala, per Pararie.
• Senhor Peyre Carcolha, per Lahor.

Feron de talha aquel an, que paguet per testa dome, VIII gros.

Pus per testa de femna IIII gros.

Pus una blancha per lbr.

Foron levayres de Bans.

• Senhor Bernat Laur, per Mercadies.
• Senhor Brenguie Cambavielha, per Lahor.

Foron Caritadies.

• Senhor Pos Gordo, per Taulas.
• Senhor P. de Badonas, per Mercadies.
• Senhor Jacme Estaci, per Lahor.

Foron Carrieyries.

• Senhor Johan de Camp-lonc, per Taulas.
• Senhor Peyre Trencavelh, per Mercadies.
• Senhor Guilhem Peyre, per Coyraties.

Lan dessus MCCCLXXXIIII, a XVI del mes de may, intret a Bezes, per lo portal de la Sors Menos, mossen Simon de Gramaut, evesque de Bezes, loqual, avans que intres dedins la viela, promes et juret de tener et servar las libertatz e franquezas de la dicha viela, en la forma et maniera que sos predecessors avian acostumat. Pres ne carta maystre Johan de Fontaynas et maystre P. Estaci, notaris rials.

Es a saber que lo senhor Johan de Lagarriga, Cossol, e lo senhor P. Gautaroia, Cossol, et totz sos companhos, anero dessendre de lurs cavalgaduras a terra: Els ditz senhors Johan de Lagarriga, el senhor Peyre Gautaroia, prezeron lo sobre dig mossenhor lAvesque, per las regnas de son caval: els autres senhors Cossols anezon tot entorn e destreron el meneron entro al pe de Sant Salvayre, et a qui el descalvalguet; car aqui foron vangutz los senhors canonges, et los autres capelas, portans las santas reliquias; e van lo recebre coma senhor Evesque. Empero los sobre ditz senhors Cossols, senhor Johan de Lagarriga, e senhor Peyre Gautaroia, lo destreron e meneron per las regnas tot a pe, coma es dich: totas devetz els non ho feron de la voluntat del cosselh de la Mayo comuna, seno de lur propia auctoritat et voluntat; car jamay non se era fach a degun autre senhor evesque.

Aquel an mezeis, la nueg de Sant Mathieu, a dos horas de la nueg, moric lo duc d'Ango et Ytalia, en la viela de Bar.

Item l'an sobre dig, dijous a XXVI de may, moric lo comte dArmanhac a Avinho.

Lan dessus MCCCLXXXIIII, los sobre ditz senhors Cossols de Bezes venderon per un an lo pes del blat, per pres de II. melia CC. lbr.

Pus venderon los ditz senhors Cossols, lo soquet del vi, per un autre an, per pretz de M. franx.

Pus venderon la intrada de la vendemia per un autre en, per pretz de MCCC. lbr.

Pus venderon lo bosc de Baischa, per IIII ans, per pretz de XXX franx.

L'an que dessus MCCCLXXXIIII, se fes lo compes de la viela de Bezes, per los senhors dessots escrigz, losquals foron deputatz per los sobre ditz senhors, et per lur honorable cosselh.

Premieyrament.

• Messie Esteve Cros, per Taulas.
• Senhor Jacme Gautaroia, per Mercadies.
• Senhor Ramon Guitart, parayre.
• Senhor Ramon Corregie, canabassie.
• Senhor Johan Estaci, parayre.
• Senhor Ramon Corregie, canabassie.
• Senhor Ramon Massas, especiayre.
• Senhor Peyre Tons, sabatie.
• Senhor Ramon Roqua, lahorayre.
• Senhor P. Brenguie, lahoraire.
• Senhor Guilhem Salvayre, coyratie.

Casdun d'aguetz senhors sobre ditz comperayres nagueron per trebalh XXX franx. Dieus vuelha quels ayon leialment guzanhatz a profiecg et salvatio de la lur Arma.