Libre de Memorias/1368

From Wikisource
Jump to navigation Jump to search
← 1367 1368
Libre de Memorias
1369 →


L'an MCCCLXVIII foron Cossols

  • Senhor Guilhem de Badonas, per Taulas.
  • Senhor Peyre Lunas, per Mercadies.
  • Senhor Bernat Gibeli, per Parayres.
  • Senhor Jacmes Laures, per Sabaties.
  • Senhor Bertran Pratz, per Pelicies.
  • Senhor Bernat Fabre, per Monies.
  • Senhor Ramon Roqua, per Lahor.

Foron Clavaris.

  • Johan Theron, per Taulas.
  • Arnaut Bonet, per Pararie.
  • Pons Emengau, per Lahor.

Feron de talha aquel an per denier I. flori.

Pus per denier I. franc.

Foron levayres de Bans.

  • Guilhem Carle, per Mercadies.
  • Bernat Redorta, per Sabaties.
  • Ramon de Puzac, per Pelicies.
  • Esteve Gautié, per Monies.

Foron Caritadies.

  • Ramon Cabot, per Taulas.
  • Loys Vaissa, per Mercadies.
  • Paul Baias, per Parayres.
  • Bernat Miralhie, per Sabaties.

Foron Carrayries.

  • Bernat de Golbias, per Taulas.
  • Ramon Viguier, per Mercadies.
  • Peyre Laures, per Lahor.
  • Duran Canier, per Monies.

Aquel an foron mot grans aygadas, so es a saber, la nueg de Sant Guiraut.

Item passeron tantas de gens d'armas en torn Bezes que fora ses nombre que hom non podia vendemiar ni semenar.

Et aquel an meteis autriet hom a mossenhor d'Ango en lo mes d'ottobre a Tholose, II franx per fuoc.

Lan dessus MCCCLXVIII fouc mot gran secada. Els senhors Cossols e tota la viela de Bezes, ho los habitants d'aquela, totz pes nutz sen aneron vigolar am grans processios a la Mayre de Dieu de Serinha, et aportet hom lo Crocific de Sant Felis e motas d'autres emaginas de Sans.

Lan dessus MCCCLXVIII a III desembre, vengueron a Bezes letras de part madama la regina de Fransa farens a saber que ela se era aiaguda d'un bel filh loqual lo comte Marti lo avie bateiat, et avie nom Karles de la qual causa tota la vièla nac mot grant gaug, en feron mot gran festa et fouc mandat et cridat a vos de trompa per los senhors Cossols que tot hom vengues am lur banieyras a la mayo comuna et aneson de dos en dos a la glieysa de mossenhor Sant Nazari, et aqui foron totas las processios de las glieysas de Bezes, e partiron se daqui, e venguero sen am grans oratios a la glieysa de la Maria Magdalena houc se fes mot solempne sermo, pregan totz petitz e grans que nostre Senhor Dieu li donnes bona vida e longa.