Libre de Memorias/1363
| ← 1362 | 1363 Libre de Memorias |
1364 → |
L'an MCCCLXIII foron Cossols.
- Messie Pons Peyre, per Taulas.
- Senhor Jacme Gautarola, per Mercadies.
- Senhor Guilhem de Rossilho, per Mazel.
- Senhor Jacme Vidal, per Mesies.
- Senhor Ramon Ortz, per Sabaties.
- Senhor Johan Sahonier, per Fabres.
- Senhor Ramon Roqua, per Lahorayres.
Foron Clavaris.
- Esteve Fabre, per Mercadies.
- Johan Coyra, per Mesies.
- Bernat Ramon, per Fabres.
- Claude Albi, per Sabaties.
Foron de talha tres miegs floris per denier.
Foron levayres de Bans.
- Guilhem Audi, per Taulas.
- Pons Ermengau, per Lahor.
Foron Carrayries.
- Ramon Cotelier, per Taulas.
- Ramon Massas, per Messies.
- Ramon Viguier, per Mercadies.
- Raynaud Passavan, per Fabres.
Foron Caritadies.
- Jacme Boto, per Taulas.
- Peyre de Badonas, per Mercadies.
- Jacme Maystre, per Mazel.
- Peyre Bragayrie, per Lahor.
- B. Miralhier, per Sabaties.
L'an dessus MCCCLXIII, venc a Nemze lo Rey Johan et aiso quant ysit fouc priso, soes a saber dAnglaterra, e covidet totz los Cossolatz a dinar lo jorn de Nadal.
Item l'an dessus dich, a XI de novembre la nueg de Sant Marti, fouc pres lo luoc de Peyrias per Bertrugui e sos companhs.
Aquel an MCCCLXIII fouc pres lo castel de Linha per avol garda, la nueg de Sant Nazari, per Loys Roinhaut que era Engles, de que nac, avans que laisses ni desempares lo dig luoc, de l'Avesque de Bezes e dels senhors Cossols de la dicha viela, X milia floris.
Item costet pus d'autres X milia floris per tener gens d'armas et autres en establida, contra lo sobredich Roimbaut et sos companhs, e las establidas estavan en tres luocs, soes a Maraussa, a Theza et a Cornelha.