Libre de Memorias/1356
| ← 1355 | 1356 Libre de Memorias |
1357 → |
L'an MCCCLVI Foron Cossols
- Senhor Bazols Sira, per l'escala de Taulas.
- Senhor P. Astrebo, per Mercadiers.
- Senhor Folc. Gironas, per Parayres.
- Senhor Ramon Ortz, per Sabatiers.
- Senhor P. Aymoy, per Peliciers.
- Senhor Esteve Sabatie, per Moniers.
- Senhor Joh Cortinals, per Lahor.
Foron Clavaris.
- Aymeric Barbat vielh, per Taulas.
- Guilhem Maury, per Pararie.
- Peyre Bragayrie, per Lahor.
Feron de talha en aquest an davan dich, mieg flori per denier.
Pus per denier I. flori.
Foron lavayres de Bans.
- Veria Serinha, per Mercadies.
- Joh Rial, per Pelicies.
- Brenguier Laures, per Sabatiers.
Foron Caritadies.
- Peyre Boquie, per Mercadies.
- Ramon de Puzac, per Pelicies.
- Esteve Gautier, per Monies.
- Ramon Yrlan, per Lahor.
Foron Carrieyries.
- Ramon Cotelier, per Taulas.
- Jacme Gantaroya, per Mercadies.
- Peyre Boyer, per Parayres.
- Bernat Miralhie, per Sabaties.
L'an dessus dig MCCCLVI a VIII del mes de setembre, fouc pres nostre senhor lo Rey de Fransa que avia nom mossen Johan, et aisso davan la viela de Peyties, don ne fouc tot lo Rialme en tristor; et pres lo en batalha rengada lo princep de Galas filh del Rey dAnglaterra, et puys menet lon en Anglaterra.
Aquel an mezeis, comenset hom a bastir la muralha de Bezes. Els capitols de las gleysas et totz los autres clergues comenseron a pagar a las dichas muralhas.
Pus en aquel an se comenseron a metre e enpauzar las impositios sus totas las mercadarias; lasquals impositios foron autreiadas al comu, per lo Rey nostre senhor o son loctenen, en aiutori de bastir la muralha; e las dichas impositios montavan gran soma.
E foron Clavaris dels ditz murs que jamay non avie fag pus lo cossolat.
- Senhor Peyre Amielh, canabasier.
- Senhor Nicholau Poiol, especiayre.
- Senhor Andrieu Galhart, lahorayre.
L'an dessus dig MCCCLVI venguero a Bezes los jucieus en tal ponch, que despueys en sa la viela ni los castels, no ferem nostre pro.