Libre de Memorias/1352

← 1351

1352 Libre de Memorias

1353 →

L'an MCCCLII foren Cossols

• Senhor Frances Bofat, per Taulas.
• Senhor Andrien Astrebo, per Mercadiers.
• Senhor Olivier Paulinha, per Pararie.
• Senhor Guilhem Boc, per notaris.
• Senhor Bernat Rog, per Coyratiers.
• Senhor Johan Gangi, per Peliciers.
• Senhor Augié (Nicolau), per Fustiers.

Foron Clavaris.

• Senhor Guilhem de Badonas, per Taulas.
• Senhor Folc Girona, per Pararie.
• Senhor Ramon Boquet, per Fustiers.

Feron de talha aquel an sobre dich, per d. mieg flori.
Pus per denier 1. quart de flori.
Pus per testa 1. flori et un quart de flori per denier.

Foron Carrayries

• Senhor B. de Badonas, per Taulas.
• Senhor P. Roquie, per Mercadiers.
• Senhor Guilhem Duran Sicart, per Parayres.
• Senhor Marti, per Fustiers.

Foron Caritadies.

• Senhor Ramon Brenguie, per Taulas.
• Senhor Esteve Barba, per Mercadiers.
• Maystre Guilhem Salat, per Notaris.

Aquel an valc lo carto del vi 1.gros.

Aquel an comenset la pladeiaria d'Aygas Mortas.

Et en aquel an meteix, lo dimecres d'avan Nadal, fouc pres Sant Anthoni per lo captal de Buch que era Engles.

Lo Senhor de Sant Guiraut es tengut de pagar cascun an a la festa de Tots Sants al comu de Bezes XXX s : pres ne carta maystre B. Pons, Alias Sabatier, notari rial l'an MCCCLII a XXV del mes de jun.

L'an MCCCLII a XXV de jun, feron donatio als senhors Cossols de Bezes e a tota la universitat, totz aquels que son en aquest cartel escrigz: so es a saber, de la parso que avia en la fon del mercat de Bezes aisi quant se conte en las notas de maystre B. Pons Sabatier, notari rial.

• Lo senhor Johan Bigot, borges, I. carto d'ayga.
• Senhor P. Cabot, mercadier, III cartos.
• Senhor Guillem Honelha, fustie, V cartos e mieg a XXVI de jun.
• Mossen Guiraut buadela, IX cartos, quar el ne cantave en la capela de la Mayre de Dieu de la Magdelena. Car lo senhor P. Aludie lay donet per so que pregues Dieu per l'arma de si et de sos Payres.
• Senhor P. Ginieys hy remes tot lo dreg que y avia.
• Senhor Jacma Bedos, parayre y remes II quartos que y avia.