Le pulice e le homine

Olim il habeva un pulice que non lassava alcun reposo a un homine. Un die ille le attrappa e le questiona: "Qui es tu, qui te amusa in mi membros a morder per omne partes?" "Es assi que nos vive", responde le pulice; "perdona me le vita, nam io non pote facer grande mal."

Le homine erumpe in risos: "Tu va morir ora mesmo", le dice ille, "e de mi mano: que le mal sia parve o grande, nos debe extirpar lo sub tote le formas." Le fabula monstra que on non debe haber pietate de ille que face plus o minus le mal.