La tartaruga

La tartaruga

(dagli «Apologhi» di G. Capasso)

On ors, girand on dì sôra pensêr,
senza vorèll l’è andaa a topiccà dent
in d’ona tartarùga e in d’on moment
l’è crodaa giò per terra comè on pêr.
Ben, quella tartarùga, fin al dì
che l’è restada al mond (e l’è scampàda
pussée de dusent ann) la s’è vantàda
de diggh a tucc: «El savii nò che mi
hoo faa ’na volta on colp straordinari?...
Hoo sbattùu in terra on ors coi gamb per ari!».