La nott de Natal
Jump to navigation
Jump to search
| La nott de Natal (1894) by |
Sott a la porta→ |
Mamma... – Coss'è – Gh'è on pezz a vegnì dì?
– Tas, fa la nanna, l'è bonora anmò.
– Sarà vegnuu el Bambin?... Me par de sì...
Chissà se gh'è quaicoss là sul cumò!... –
El sta citto on freguj, e poeu ancamò:
– O mamma cara, podi no dormì...
Pizza el ciar on moment... – Tas, gioia, no,
Sara i oggitt e lássem quietta anmì. –
Ah finalment! se s'ciara la stanzetta...
Su in setton tutt rident el car ciapòtt
E giò de truscia e tœu la soa scarpetta.
O quanti bej!... in man ghe sta nagott!...
Ma lu... sù 'l camisœu dent la trombetta
I bombon, el naranz, i diavolott,
El bè, la carrozzetta,
Ma el mostra intant... tusscoss! Murcia in ninin!
Riden i angioi intorna a quel bambin.