La fontina

by Ricardo García Rendueles y González

La fontina  (1925)  by Ricardo García Rendueles y González

I
'Nel prau, onde Xico
Les vaques llendaba,
Había una fontina,
De cantu de xana,
Qu' empeñu les mates
Tenín en guardala.
El mozu al pie d' ella
Echau á la llarga;
Mirab', allá lloñe,
Llucir como plata
La villa, co 'I besu
Del sol al dexala,
Y al probe, mil suaños
Nacín é nel alma.
« Cuando él fora ricu,
Faría más alta
» La casa sos padres,
» Pondríala muy guapa
» Pa vivir con ellos,
» Qu' él non los dexaba,
» Por dir á la villa;
» Y á la so fontana
» Diría munches veces
» A dáse importancia. »
Baxaben les sombres,
Baxaba la calma,
Y Xico despacio
Volvía pa casa.
Solo la fontina
De cantu de xana
Qu' empeñu les mates
Tenín en guardala
Rompiendo los suaños
Lloraba, lloraba.

II
 
Una tarde, Xico
Marchó pa l' Habana,
Non yera d' aquelles
D' aquelles de plata;
Non yera de suaños,
Non yera de calma.
La mar taba fosca
Y el viento bufaba,
La xente ' n villa
Corría alloriada
A ver s' iba 'l barcu
Marchar pa l' Habana;
Y dábayos risa
Mirar tanta llárima.
¡ En vez de sentíu
Tenín una llábana !
« ¡ Ay,Quiquín, rnió Quico,
Mió Quico del alma !
Y el probe non pudo
Decií más palabra,
Qu' apretai un ñudu
La voz ' na garganta.

Baxaben les sombres,
El vientu les fala;
Los padres de Quico
Volvinse pa casa,
Y al pensar ' nel fíu,
´Nel fíu del alma,
D' entrambos les llárimes
Moyaben la cara.
Y la fontiquina
De cantu de xana
Qu' empeñu les mates
Tenín en guardala
Como los probinos
Lloraba, lloraba.

III
Quico vieno un día
¡ Tan ricu que plasma !
La villa ' sperábalu
Vestía de plata,
Como aquelles tardes
En que él la miraba
Lluciente co ' l beso
Del sol al dexala.
¿ Yera suañu aquello ?...
Y Quico amoriaba
¡ Dormíos los sitios,
Los sitios del alma !...
La xent' na villa
Don Pancho lu llama,
Y él diba vestíu,
Vestíu de caza,
A ver los sos sitios,
Los sitios del alma;
Y allá muy adientro
De Quico lloraba
La probe fontina
De cantu de xana,
Que ¡ ay, non ! non pudieron
Les mates guardala.