La fineza
Jump to navigation
Jump to search
Qué curra va pa Cangues la Roxina
Lluciendo so donaire y so guapura:
—“¡Ai de ti! Si te pica una gafura
O triyes pel camín dalguna espina.
Ve despacín, non andes tan aína,
Que yendo yo contigo vas segura
Y al miráme yo al par de to figura
Meto la xente toa en golosina.
¡Ai, Roxina del alma! si yo fuera
Pela noche a to puerta y te picara,
La Roxa que yo quiero ¿qué me diera?”
De bon querer miróme la mio xoya,
Y con llengua de azúcare bien clara,
—“To date, dixo, la meyor panoya”.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse