La crudeltât

From Wikisource
Jump to navigation Jump to search
La crudeltât

La crudeltât

.....Un di zevi à sen Zuan circa completta
Pal fresc, com’è gnò uus, dal mees di Mai,
Cun un libruz in man, e la in chee stretta
Strada dongja il mulin io mi scontrai
Cu la plui biella, e garbada polzetta,
Che pal passaat io ves iuduut zamai;
Turundizza, e plui blanchia assai dal zes,
E inmò cutuardis agn no croot, cha ves.
No l’havee par denant mai cognossuda,
Ne ij vevi inchimò mai f evelaat:
Anzi chi no l’havee quasi viduda,
D’amij, come vi soi par il passaat.
Pur, come se denant la ves giolduda,
Sub í t, che dongia iee foi arrivaat,
Ij mettei una man sun’una spalla,
Sul fazzolet, cha vee di tella zalla.
E ij disei, ch’eri siò nemoraat,
E chi vivee penant simpri par iee.
152
E che, siben io vee tignuut celaat
L’amoor, io vee fat chist nome pai siee.
E ch’al era tant timp, chi vee penaat
Di bramma di podella un d í vedee,
E ch’alla fin ringratiavi amoor,
Che di vedeela, al mi fasee favoor.
I volei po tochiai il mostazutt,
E sul partijmi i la volei bussaa:
Ma iee si buttà quasi in grumiuutt,
Chi crood, ch à si debessi svergonzaa;
O’ cha credee, chi fos ressolt al dutt.
Di volella in chee volta distrigaa:
Ma io in che volta i no volei tentala,
Chi volevi un po miei dismesteaala.
Al mi parè di iessi staa volent
Havint all’improvijs vanzaa’ chel pooc
E po sintivi à fevelaa dovent,
Insumma chel no mi pareva looc
Di zij plui indenant, e foi content
D’un sool bussart, sperant di finij il zooc
Un’altra d í cun plui cumditaat:
Ma iood al fin, chi soi restaa’ squarnaat.
S’al ti ven qualchi chiossa pa li mans,
O’ zovintuut, no la lassaa schiampaa.
Al ij stà ben quaranta mil mallans
A cui, chi po vee ben, ne’l uul piaa.
I stentin, e sudin iust cumu chians,
Che mai chiossa di gust podin chiattaa,
E pò no cusi prest la vin chiattada,
Chi restin cumu i cucs sula pallada.
Cus í , Signoors, è intravignuut à m í ,
Che quan chi vevi tria [?] à mulignèl,
E chi podevi dij, chist e ’l gnò d í ,
E davierzi la puarta dal chischiel:
Zenza ressolvi mai, frà il nò, è il s í ,
Ma la lassai schiampaa, cum’un purcèl,
E cumò chi nol’hai, la voi cerchiant,
E piert il timp, e’l flaat simpri dibant....
153