La borsa del poetta
Dimm, Lisetta, coss’te voeut?
No te ghè che de parla !
Per tì basta dimanda
a la borsa del poetta!
L’ è on borson, cara Lisetta,
che ghè denter proppi tutt !
Òr, rubin, avòri, steli,
temp seren anca el brutt !
No te cunti di storiell, . . .
Adess proeuvi a contentatt . .
Ma, s’ intend, femm prima el patt,
che, tra nun, resta l’ affari !
Ghè on cristall strasordenari,
propri in fond a sto borson,
e de lì, el mè bell tesor.
vegnen foeura tutt i don !
Per esempi, te pias 1’ or?
Guardegh denter!... Guardegh mej!...
Ecco r or di tò cavej !
Mi sont cert che, in tutt el mond,
no ghe n’ è de pussèe biondi
Mò, te voeuret di rùbin ?
Ecco chi !... Te vedet dent
on color de maraschin,
on color de sangu bujent,
de garofen, de papaver?
L’è el rebuj di tò duu laver,
che fan smorfi a tutt sti stori!
Ah, te pias pussee l’ avori?
Proeuva a rid; derva i lavritt...
Ecco li, in del sò candor,
miss in fila i tò dencitt !
Parla, parla, car amor !
Per ti basta dimanda!...
Anca i steli ?... Ed ecco, là,
dò che brillen, che scintillen,
che sfavillen, che tripillen...
I toeu ceucc!... Hin lor i steli
pien de fceugh e de promess.
per chissà che brandinell !...
El bell temp contempla, adess,
sul faccin d’uga madura,..
L’ è, quell brutt, la faccia scura
che te fet ai mè dimand,
quand te vegni supplicand
d’ on tantin de caritaa
per sto boja d’on poetta
in bolletta e scior desfaa!