La Rana e 'l Bò

From Wikisource
Jump to navigation Jump to search
La Rana e 'l Bò
by Giovanni Rezzonico

Gioann Rizzonich (1789-1875)

La Rana e 'l Bò

El proverbi già el se sa
che l'invidia l'è mai morta
l'è impossibil de cuntà
i desgrazi che la porta.

Quasi tutt gh'emm sto peccaa:
se l'invidia el fuss on mal,
el sarav già deventaa
tutt el mond on ospedal.

Ona Randa stand nel foss
la sguississ on bò lì appress,
e vedendel grand e gross
la vorav deventà istess.

La comenza a tegnì el fiaa,
la se sgonfia, la sfadiga,
la gha el venter già tiraa
ch'el someja a ona vessiga.

Poeu la dis a ona vesinna:
-Guarda on poo sont grossa assee?
-Te see anmò tropp piscininna,
la respond, te see anmò indree! -

Dai, redai, la sforza anmò,
ma la forza l'è poeu troppa,
e denanz de rivà al bò,
bona sira, ponf, la scioppa.

“Che ognun faga i cunt esatt
in del leeg sta filastrocca,
e ch'el tira sul so piatt
quella part che ghe pertocca”.