La Madone di La Salette
| La Madone di La Salette by |
| Prosis Furlanis |
LA MADONE DI LA SALETTE[edit]
Al ê un an che, come usgnot, daspô l'Avemarie, te canòniche dal plevan di Trivignan, si è sposade la Gupele di Medeuce, che ga duch o savin di jé vite, muart e meracuj.
II nuvic lu vês cognosât: al jere chel forest ch'al girave par
chestis vilis chenti intòr, cunt'une scrassigne su la schene,
vendind libruts e donand rosaris e paziencis ch'al diseve
fabricadis a Rome di chej doi pastòrs ch'e an viodude la famose
Madone francese.
Jo mi ricuardi di une zornade di fieste che, daspò de messe dal capelan, culi su la nestre place al veve metude jù la sò barache e, £havade fúr de scrassigne la Madone, j faseve une prediche a la int ch'a jesive di glesie e che s'ingrumave a sintîlu e a comprà lis sôs maraveis.
Cunt'une bachete in man a âs di salteimbanc, al chaminave su e Ju, Simiotand la vôs fine dai doi frutìns che si conte ch'a vevin viodude la Madone; o ch'al fevelave pe Madone e nus spaurive cu la profezìe che la mufe de uve a veve di pucâ in tes panolis e tal forment e in dutis lis pomis e in dutis lis jerbis de tiere, e che ogni Chosse a veve di fraideSi come lis patatis di triste memorie. Nus faseve colâ i bracs concludind cul contânus che la Madone ur veve dit a chej doi pastôrs ch'a visassin i lôr parinch che oremai a jere fate e che plui nol ocoreve ni lavorâ e ni semenâ.
Fortune che il bon galantomp a cussi grande disgracie j veve Chatàt un fregul di rimiedi. Al contave che a La Salette a stevin fasind su une grande gleseone e che lui al coreve pal mond a ingrumâ lis ufiertis dai fedéj par judà la fàbriche e vistîle di ogni sorte di tindinis.
Par chest al acetave bêcs, anej, veretis, crôs e ruchìns, grumáj, golets, cótulis, tele e filidure, blave, forment, üvs e
54
insumis dut ce ch'al vignive. Fôr de vile al jere un Char ğa stât
atór pai mulins, e la púare int lu Chariave di dut ce ch'a podeve
burî fúr: tant plui ch'al veve visát che in te glesie di La Salette
une file di predis a disevin messe continue e che duch i devots
ch'a vevin contribuît a lis limuésinis, a vignivin preservâts dai
flaghej ch'al menacave; e, par esempli, al puartave diviers paîs
dal Piamont che, seond lui, in gracie dai regá], a vevin chest an
une cucagne di uve.
Custui al diseve di sei di Novi e di vé viodát cui siei vòj lis vits di chej pais afat vuaridis e lis strecis tant Chariadis di raps che sot dal pés a si crevavin. E al diseve che là a jerin státs stampáts 1 libruts ch'al vendeve al presi di sój 25 centesims, racomandand a compráju par fá anche un bon afár: parce che lui al jere mandát dal nestri arcivescul, cause che 1 predis no si vevin anchemô cholte nissune cure di predichâ un cussì gran meracul. Ma al saveve po di buine bande ch'a vevin vit un befel dai lôr superiôrs di dovêlu prediéhà daurman dal altár; e inchevolte ogni fedél cristian al sarés stât obleât di comprâ il librut, ma al presi di une svânzighe.
Il librut, par dî la veretàt, al jere stât stampât a Cênede e, in
fin de ultime Èharte, datir de sò brave cròs, al jere il nón dal
vescul di chel pais. Chest freghenin di bausie lui le comedave
cul dînus che a Conean, cause la tante devozion di ché buine int,
al veve dat fonz a dute la sò marchanzie e ch'al veve cussi
scugnùt tornàlu a fà stampà in te diòcese di Cènede. Ga si capis
che, intant ch'al spietave il stampadór, anche 1 doi pastórs, che
cumò a son a Rome in te Chase dal Pape, a lavoravin par lui un
sfulmin di paziencis e di rosaris cul curisìn d'arint e che, fats di
chês mans ch'e ân tochât a La Salette nujemancul che la
Madone, a vevin po mil virtâts: a liberavin di muart improvise,
di acidents, di sassins, di folcs e di saetis: che beát cui che s'ai
puarte intór parce che, se anche j sbrisse cualchi pechát, no
migo par chest al pò vê ardiment di točhâlu il diaul.
35
E s'o vessis viodút come che j crodevin lis nestri buinis
ânimis di fêminis!
Cui j puartave ruchins, cui la verete di matrimoni, cui filidure e cui goletis. Fintremai Menie Cuete, ch'a jè po furbe, j à donàt un mantîl di tele di lin cul so camuf di puntine. Pùare Menie, si saressie mai pensade che il so biel mantîl al deventàs la chamese nuvicâl de Gupele!
E la Gupele, a Medeuce, a marchave la domenie furnide il
cuel cul cordon d'aur regalât a la Madone e cui ruchìn in tes
orelis che lis nestris püaris féminis a crodevin di mandâ a La
Salette, in tal famós gleseon de messe continue.
Ma nanche il bon vescul di Cênede, s'al ê vêr ch'al veve
metât la sô crôs e il so nôn sot di chest meracul, al ê ciert che no
s'inmaginave di viergij la puarte a une tâl briconade.
I meracuj, amis, a son biej e bogns e la devozion a jè sante,
ma di chi indenant, s'o vin di fà regáj in glesie, o volìn imitâ
chej di Pavie ch'e àn fate biele la lór cu lis pituris di Santi e di
Politi e cu lis statuis di un nestri furlan, di Minisin. Là 1 devots a
viodin ogni di il frut des lór ufiertis, parcé che ur es àn dadis in
man ai lôr fabricirs e ai lôr predis che ju cognoSevin par
galantsumign e no migo a un forest che si crodeve piamontés,
stát cui sa cetant timp a La Salette e che invezit al jere Michele
Fasiolo di Padue, vignüt a fà l'amór cu lis Gupelis di Medeuce.
56