La Caridad y yo
En medio de mió sueñu
Vila, preciosa,
De les devinidades
La más fermosa.
Ella, bendita,
De les miós bendiciones
Non nesecita.
Con mantilla y refaxu
De los colores
Que adornen la praera
Guapines flores,
Presentóse á decime
Con mucha gracia:
-¿ Qué ye lo que tú tienes ?
Di ¿ qué te pasa ?
-Que ya cantar non puedo
Como calandra
Que 'n bosques y praderes
Allegre canta;
Como xilgueru
Faré la despedida
Triste y enfermu.
Si miós güeyos repares
Y ves poceres,
Ye porque los probinos
Lloren miseries,
Miseries propies...
Naide tuvo la culpa,
Mies son toes.
Duelm' el renaz agora
De tal manera
Que miós güeyos probinos
Miren á tierra
Más que pal cielu,
A donde los miós padres
Juénon fai tiempu.
-Pos mira, lín, non temas;
Yo soy siñora
Y vivo en ñobles pechos
Con mucha honra.
Sé que t' embarques:
Buscaremos cebera...
SaIú y bon viaxe.
Non te apures, mió probe,
Nunca te apures,
Anque subir me veas
Fasta les ñubes.
La Madalena
Después de llorar tantu
Cantó sos penas.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse