L destrutor del mur de la cortina de Sènt'Uliana
L destrutor del mur de la cortina de Sènt'Uliana
N om catif aea la malizia de rompir l mur de la cortina sa Sènt'Uliana. L dì dò che l'era fat sù da nef l mur, l'era da nef destrut. Seben che se à sconet omegn per ciapar chist malizious, no i é stac bogn dal brincar (brancar). Ma na not l'é vegnú l malan e l l'à portà demez. Chi che passaa de not ló da la gejia, l sentìa urlar, sbraiar e sclindernar co le ciadene. Valch outa se l vedea ence nciadená con ciadene roente e l preaa che se l delibre. Dant doicent egn l'é stat delibrà da n (capuzin) frate.