L Paulo
Se l senhor conhecisse l miu amigo Paulo, cun certeza l stimarie: era un eicelente rapaç, un guapo camarada.
Hai dezesseis anhos que el se tenie casado, por amor, cun ua guapa moça, i nunca houbiste marido más amante, más solícito, más cumpridor de l sous deberes, para ampregar eiqui esta frase cómoda, an que l bulgo ambolbe todas las birtudes maritales.
Al cabo dun anho de casamento, naciu al Paulo ua filha que cumpletou la sue felicidade, i fizo cun que el se cunsiderasse la más binturosa de las criaturas houmanas.
Essa eiluson durou mui tiempo, durou até l die an que l pobre rapaç, perdendo l amprego que tenie, i arranjando outro menos rendoso, fui oubrigado a mudar-se para ua casa más modesta i a restringir las sues çpesas. A mulhier, que gustaba mui de se ambonecar i de se adbertir, achou que esso era a miséria i l dou a perceber al marido. Este afligiu-se tanto que adoeciu.
An janeiro deste anho, ua tarde, boltando para casa, depuis de l trabalho, l Paulo nun ancontrou a mulhier.
— Que ye de tua mai? - preguntou a la filha.
— Saliu; nun me dixe adonde iba, mas deixou ua carta para papai.
El sentiu lhougo un grande abalo ne l coraçon i tubo un terrible pressentimento. Las mulhieres que abandonan l domicílio cunjugal fázen, por bie de regra, cumo ls homes que se matan: deixan ua carta. L Paulo sabie desso i tremiu.
Nã0 se anganhaba. La çgraçada deixou-lo i deixou tamien la filha, ua pobre moça de quatorze anhos, que percisaba tanto de l cuidados maternos.
L Paulo era fuorte de coraçon, mas fraco de sprito; l golpe aniquilou-lo; antretanto, fizo de las fraquezas fuorça i cuntinou a bibir i a trabalhar por amor de la filha, que cunfiou a ua família amiga.
Passados alguns meses, a mulhier, que tenie ido bibir an cumpanha dun amante, sentiu suidades de la nina, i tentou reabé-la. Nun l cunseguindo, naturalmente, por meio de súplicas i sabendo que nun tenie la lhei por si, la çgraçada tubo ua eideia monstruosa, talbeç sugerida pul sou dino amante: screbiu ua carta al marido afiançando-le que el nun era pai daquela criança.
La carta anfame produziu l deseiado eifeito: l pobre Paulo, depuis de alguns dies de perfunda melancolia, tubo un biolento acesso de lhoucura i fui anternado ne l Hospício.
Al cabo de algun tiempo fui remobido para la casa dun pariente, mas durou solo ua sumana. Faleciu trasdonte i fui anterrado onte.
La biúba probablemiente bai casar-se cul amante, i la anfeliç nina quedará sob la tutela de l padrasto.
Ande ten, miu eilustre amigo, un causo que se passou neste anho de 1908, causo berídico i pungente pul qual sustituo hoije un cunto ambentado, sin mesmo çfarçar l nome de l miu zbenturado amigo, que se chamaba rialmente Paulo.