L'onomastich
Jump to navigation
Jump to search
Ferdinando Fontana (1850-1901)
L'onomastich
Tra i brumista che, st'ann, hin de stazion
in piazza de Sant Cels, ghe n'è dent vun
ch'el gà nomm Togn. Mò giusta, in occasion
de Sant'Antoni, i so compagn de brun
voreven regalaggh on bel mazzon
de fior; ma sciori sì che quajghedun
avenden visáa el Togn, quest, sanguanon,
l'è dáa tant fœura de tegnill nissun!
"A mi sto tir! A mi famm sta porcada!
Spend in fior, che el balbèra el costa on franch!
Ah, brumista pivèj de la giornada!"
Basta, per quïetall on zicch almanch,
gràn pagàa tant balbèra a l'infilada
de sbiottà mila sèrr impunemanch!