Kukow

nadpis	Kukow
awtor	Jakub Bart-Ćišinski
lěto
žórło	texty.citanka.cz
licenca	public domain
nota	stary prawopis

    Kak rad na tebje so, khěžka mała,
    dopomnjam, hdźeš sym wot maćerje
    słódke spěwać wuknył paćerje
    a hdźež wowka je mi bajki bała.

    K tebi moja hraje, khěžka mała,
    mysl a k tebi, kwětkna zahroda,
    hdźež najrjeńši són je přiroda
    w hrajkach dźěći radostnych mi hrała.

    Hdźež sym błyskotate łójił bruki,
    hanjał za mjetelom pisanym
    a hdźež hołb' mi dypał zorno z ruki.

    Duch mje žołmowaty, ćicha wjeska,
    nosy k twojim třěcham słomjanym,
    hdyž hołk swěta wokoł' mje nětk wrjeska.